Hienprakuratura nakiravała ŭ sud pieršuju kryminalnuju spravu suprać pamierłaha
Kryminalnuju spravu, zaviedzienuju suprać ukrainca Uładzimira Katruka, jakoha abvinavačvajuć va ŭdziele ŭ palicejskich farmavańniach na terytoryi Biełarusi ŭ hady Druhoj suśvietnaj vajny, nakiravali ŭ sud, paviedamiŭ hienprakuror Andrej Švied.
«Siońnia mnoju nakiravana ŭ Viarchoŭny sud dla vyznačeńnia padsudnaści kryminalnaja sprava ŭ dačynieńni da Katruka», — paviedamiŭ Švied.
Užo najbližejšym časam, jak adznačyŭ Švied, Viarchoŭny sud vyznačyć, jaki z sudoŭ budzie razhladać hetuju spravu. I čarhovy raz padkreśliŭ, što hetaja sprava suprać miortvaha čałavieka — nie pieršaja, a buduć i inšyja, «kali budzie sabrana dastatkovaja kolkaść dokazaŭ».
Raniej Švied anansavaŭ, što sud nad Katrukom adbudziecca ŭ listapadzie, ale, jak vyhladaje, jahonaje viedamstva z hetaj spravaj u čas nie spraviłasia.
Uładzimir Katruk pamior va ŭzroście 93 hadoŭ u Kanadzie ŭ 2015 hodzie. Jon słužyŭ u 118-m bataljonie Schutzmannschaft — palicejskim farmavańni, jakoje ŭdzielničała ŭ masavych raspravach nad mirnymi žycharami padčas vajny. U pryvatnaści, u sakaviku 1943 hoda jany spalili ŭsich žycharoŭ vioski Chatyń.
Uładzimir Katruk uvachodziŭ u dziasiatku nacysckich złačyncaŭ, jakich u pieršuju čarhu šukaŭ centr Simona Vizientala. Jon byŭ znojdzieny ŭ kviebiekskim municypalitecie Manterežy ŭ Kanadzie.
Mužčyna apošnija hady razvodziŭ pčoł. Padčas dopytu jon admaŭlaŭ usie suviazi z nacystami, zajaŭlaŭ, što ničoha nie viedaje pra «śpis Vizientala».
«Mnohija hady miedyja biespadstaŭna pieraśledavali mistara Katruka. Ja vielmi rady, što ciapier jon mirna spačyvaje», — kazaŭ tady jaho advakat Arest Rudzik.
Švied anansavaŭ sud nad čałaviekam, jakoha abvinavačvali ŭ spaleńni Chatyni. Jon pamior vosiem hadoŭ tamu
U Kanadzie pamior 93-hadovy Uładzimir Katruk, abvinavačany pa spravie spaleńnia Chatyni
Kanada admoviłasia vydać Rasii U. Katruka, jaki moža być datyčny da spaleńnia Chatyni
SK RF raspačaŭ spravu suprać zabojcy žycharoŭ Chatyni ŭ čas vajny
U Kanadzie adšukany padazravany ŭ datyčnaści da spalvańnia Chatyni
Ciapier čytajuć
U pieramovach z Koŭłam hetym razam biare ŭdzieł i Turčyn. Z amierykanskaha boku Śmit źmianiŭsia na Panika10
U pieramovach z Koŭłam hetym razam biare ŭdzieł i Turčyn. Z amierykanskaha boku Śmit źmianiŭsia na Panika
Elektronnuju «Biełaruskuju encykłapiedyju», stvoranuju jak prastoru «vierahodnych viedaŭ pra Biełaruś», cicha likvidavali razam z redakcyjaj. Kupu artykułaŭ pieradali Hihinu55
Kamientary