Piśmieńnik patrapiŭ u śpis pad svaim sapraŭdnym imiem — Hryhoryj Čcharcišvili.
Rasijskaha piśmieńnika i vydaŭca Barysa Akunina ŭnieśli ŭ pieralik «terarystaŭ i ekstremistaŭ» Raśfinmanitorynhu.
Na minułym tydni prodažy jahonych knih prypynili praź jaho vykazvańni suprać Rasii. Śledam za vydaviectvam AST takoje rašeńnie pryniała abjadnanaja sietka «Čytaj-horad — Bukvajed».
Barys Akunin (nar. u 1956 h. u Hruzii) paśladoŭna vystupaje suprać vajny va Ukrainie i krytykuje Pucina, z 2014 hoda jon žyvie ŭ Łondanie.
Barys Akunin — vialiki znaŭca japonskaj litaratury, ale najbolš viadomy sieryjami ramanaŭ pra syščyka Erasta Fandoryna i manašku Piełahieju, a taksama knih pa «Historyi Rasijskaj dziaržavy». Jon taksama byŭ redaktaram sieryi detektyvaŭ «Leki ad sumu».
U sakaviku 2022 hoda Barys Akunin ź Michaiłam Baryšnikavym i Siarhiejem Huryjevym zapuściŭ dabračynny prajekt «Sapraŭdnaja Rasija» (True Russia), nakiravany na zbor srodkaŭ na karyść ukrainskich biežancaŭ. 24 maja 2022 hoda sajt «Sapraŭdnaj Rasii» byŭ zabłakavany pa rašeńni Rasijskaj Hienprakuratury.
Ciapier čytajuć
«Strelba kali i strelić, to naŭrad ci kulamiotnaj čarhoj». Maksim Znak acaniŭ realnaść pahroz biełaruskaj prapahandy pazbavić hramadzianstva palitemihrantaŭ1010
Kamientary