U Rasii stvaryli «Tavaryša majora» dla vyjaŭleńnia administrataraŭ telehram-kanałaŭ
Blizkaja da rasijskaha ŭrada arhanizacyja zajaviła ab stvareńni novaj niejrasietki, jakaja pavinna «chutka vyjaŭlać» administrataraŭ «złačynnych» kanałaŭ u Telehramie. Jak jana maje pracavać i jakija ŭ jaje słabyja miescy?
Prakramloŭskaje vydańnie «Iźviestija» sa spasyłkaj na pres-słužbu Nacyjanalnaj technałahičnaj inicyjatyvy (uradavaja niekamiercyjnaja arhanizacyja) paviedamiła pra stvareńnie novaha štučnaha intelektu dla vyjaŭleńnia administrataraŭ ananimnych telehram-kanałaŭ.
Niejrasietcy dali krasamoŭnuju nazvu «Tavaryš major». Pa słovach stvaralnikaŭ, jana dapamoža značna paskoryć praces deananimizacyi ŭładalnikaŭ i administrataraŭ ananimnych kanałaŭ u Telehramie, kab «zmahacca z fejkami i inšymi złačynstvami» ŭ Siecivie.
«Nie schilnaja da stomlenaści, stresu ci emacyjnaha ŭpłyvu. Jana pryznačanaja dla dziaržaŭnych i pryvatnych arhanizacyj, a taksama budzie karysnaj dla siłavikoŭ dla lepšaha pošuku vinavatych», — cytuje raspracoŭščykaŭ vydańnie «Iźviestija».
Jak paviedamili raspracoŭščyki «Tavaryša majora», pryncyp pracy ich pradukta identyčny dziejnaści adnaho abo niekalkich śpiecyjalistaŭ pa analizie kanałaŭ u telehramie, adnak niejrasietka budzie rabić heta «chutčej i jakaśniej».
«Prahrama budzie źbirać źviestki šlacham analizu apisańnia kanała, jaho archiŭnych kopij, pastoŭ, mietadanych fajłaŭ, kamientaroŭ i podpisaŭ da paviedamleńniaŭ, a taksama stykierpakaŭ, dakumientaŭ i videa.
U tym liku niejrasietka budzie supastaŭlać źlivy danych ź imionami karystalnikaŭ i ich fatahrafijami, mabilnymi telefonami, adrasami. Budzie pravodzicca analiz i inšych źviazanych supolnaściaŭ u roznych sacsietkach, błohach i veb-sajtach, a taksama pravierka pa bazach danych padatkapłacielščykaŭ i vyvučeńnie kryptakašalkoŭ», — pišuć «Iźviestija».
Stvaralniki niejrasietki adznačyli, što ich pradukt pačnie pracavać paŭnavartasna ŭ 2024-2025 hadach. Adnak, pavodle ich mierkavańnia, «Tavaryš major» usio adno nie zmoža spravicca z usimi aśpiektami sačeńnia.
«Aŭtary ananimnych Telegram-kanałaŭ umiejuć chavać svaje ličbavyja ślady i dla hetaha jość usio nieabchodnaje. Mnohija ź ich znachodziacca za miežami Rasii ci vykarystoŭvajuć VPN, chavajuć abo padmianiajuć svoj IP-adras, a sami akaŭnty mohuć być zarehistravanyja na zamiežnyja numary telefonaŭ.
Naprykład, adzin kanał mohuć vieści adrazu niekalki čałaviek, jakija znachodziacca ŭ roznych punktach śvietu. Zbor navin u ich časta ažyćciaŭlajecca z dapamohaj botaŭ, jakim adpraŭlajuć infarmacyju mnostva roznych karystalnikaŭ. I naŭrad ci «Tavaryš major» zmoža ŭ hetym usim razabracca», — pieradajuć «Iźviestija».
Nahadajem, što ŭžo pisali pakrokavuju instrukcyju, jak stvaryć vaš telehram-akaŭnt nanova na virtualny numar, kab zrabić jaho biaśpiečnym.
Jašče pa temie Telegram:
U Telegram ciapier možna mianiać hołas padčas zvankoŭ. Jak heta pracuje?
Jak pracujuć boty, jakimi karystajucca hubazikaŭcy, i čamu nie varta ŭ ich pisać «dziela žartu»
Jak čytać niezaležnyja ŚMI i nie padstaŭlacca — padrabiazny hajd
Kamientary