Prezident RF Uładzimir Pucin zajaviŭ, što ŭ Rasii nie było nijakich prablem ź Finlandyjaj da taho, jak hetuju krainu «zaciahnuli ŭ NATA». Ale ciapier jany buduć, dadaŭ jon.
«U nas što, byli ź Finlandyjaj niejkija sprečki? Usie sprečki, u tym liku terytaryjalnaha charaktaru, u siaredzinie 20 stahodździ daŭno vyrašanyja», — skazaŭ Pucin u intervju žurnalistu Paŭłu Zarubinu.
«Prablem nie było. Ciapier buduć. Tamu što my ciapier budziem stvarać Leninhradskuju vajennuju akruhu i kancentravać tam peŭnyja vajskovyja padraździaleńni. Navošta im heta treba, łuchta niejkaja prosta», — skazaŭ prezident RF.
Pucin taksama zajaviŭ, što «ŭ Rasii niama nijakich pryčyn, nijakaj cikavaści, ni hieapalityčnaj, ni ekanamičnaj, ni vajennaj, — vajavać z krainami NATA». «U nas niama ź imi nijakich terytaryjalnych pretenzij adzin da adnaho, niama žadańnia sapsavać ź imi adnosiny», — skazaŭ jon.
Ułady ZŠA, jak «haspadary NATA», nie mohuć hetaha nie razumieć, skazaŭ Pucin. «Ja dumaju, što prezident Bajden heta razumieje. Heta prosta rytaryčnaja fihura dla taho, kab abhruntavać svaju pamyłkovuju palityku na rasijskim kirunku», — zajaviŭ jon.
Zajavu prezidenta ZŠA ab tym, što Rasija moža napaści na NATA, kali nie «spynić Pucina va Ukrainie», prezident Rasii nazvaŭ «poŭnaj łuchtoj».
Pucin taksama skazaŭ, što ŭ 2000-ja hady byŭ «naiŭnym čałaviekam», choć i pracavaŭ u vyviedcy i na dziaržaŭnych pasadach. Tady, ź jahonych słoŭ, jon ličyŭ, što «ŭvieś śviet, pierš za ŭsio tak zvany cyvilizavany», maje razumieńnie taho, «što adbyłosia z Rasijaj» i taho, što jana stała «zusim inšaj krainaj».
Adnak nieŭzabavie iluzii pakinuli Pucina i jon pryjšoŭ da vysnovy, što «paśla raspadu SSSR Zachad chacieŭ razvalić» i Rasiju. Pavodle jaho słoŭ, «ličyli, što treba jašče trochi paciarpieć — darazvalim i Rasiju».
Ciapier ža Pucin zajaviŭ, što ZŠA pryjdziecca znachodzić z Rasijaj ahulnyja padychody.
«Im pryjdziecca z nami ličycca», — skazaŭ Pucin.
Finlandyja stała členam NATA 4 krasavika. Kraina padała zajaŭku na ŭstupleńnie ŭ Paŭnočnaatłantyčny aljans paśla poŭnamaštabnaha rasijskaha ŭvarvańnia va Ukrainu ŭ lutym 2022 hoda. Da hetaha Finlandyja zachoŭvała niejtralny status.
Ciapier praź mihrancki kryzis Finlandyja zakryła pamiežnyja pierachody na miažy z Rasijaj.
Ciapier čytajuć
Kruty pryznaŭsia Łukašenku, što akupnaść Biełaruśfilma — 3%1
Kamientary