Žurnalist zadavaŭ tupyja pytańni milicejskamu načalniku. Tamu daviałosia na ich adkazvać
U Minsku adbyłasia pres-kanfierencyja kiraŭnictva Ministerstva ŭnutranych spraŭ, na jakoj raspaviali, jak zabiaśpiečvaŭsia pravaparadak u časie navahodnich śviataŭ. Nie abyšłosia bieź dziŭnych pytańniaŭ.
Siarod prysutnych na pres-kanfierencyi byŭ Hierman Napolski, jaki naviedvaje praktyčna ŭsie takoha kštałtu mierapryjemstvy niezaležna ad temy i zadaje absurdnyja pytańni.
Jon pradstaviŭsia karespandentam «Jeŭrazijskaj praŭdy» i zadaŭ načalniku hałoŭnaha ŭpraŭleńnia achovy pravaparadku i prafiłaktyki MUS Alaksandru Kupčeniu niekalki pytańniaŭ u svaim styli.
Spačatku Napolski pacikaviŭsia, ci byli ździejśnieny złačynstvy ŭ navahodnich kaściumach.
«Takich faktaŭ nie było zarehistravana», — koratka adkazaŭ Kupčenia.
Na pytańnie, ci byli niećviarozyja Dziedy Marozy i Śniahurki, Alaksandr Kupčenia adkazaŭ, što, na jaho mierkavańnie, takija ludzi byli, ale «supracoŭnikami orhanaŭ unutranych spraŭ nie zatrymlivalisia i nie dakumientavalisia».
A ci byli samastojnyja zvaroty ŭ miedycynskija vyćviareźniki?
«Takich vypadkaŭ nie było», — zapeŭniŭ milicejski načalnik.
Čytajcie jašče:
Zaŭsiodnik pres-kanfierencyj Hierman Napolski ažaniŭsia na voziery Bajkał
Łukašenkaŭski prapahandyst sprabuje pratačycca ŭ emihranckija koły
Ciapier čytajuć
Što viadoma pra Maksima Palanskaha i Mikałaja Śvirydava — biełaruskich alpinistaŭ, jakija źnikli ŭ harach Kyrhyzstana3
Kamientary
trubkumikrofon.