ZŠA ŭpieršyniu za 50 hadoŭ adpravili aparat na Miesiac. Pryčym zrabiła heta pryvatnaja kampanija
Miesiacovuju ekśpiedycyju arhanizavali kankurenty Iłana Maska i jaho SpaceX u spravie pryvatnaha asvajeńnia kosmasu.
U paniadziełak ZŠA ŭpieršyniu bolš jak za paŭstahodździa adpravili aparat na Miesiac. Tolki ciapier heta zrabiła nie dziaržaŭnaje ahienctva NASA, a pryvatnyja kampanii, piša Bi-bi-si.
Miesiacovuju ekśpiedycyju arhanizavali kankurenty Iłana Maska i jaho SpaceX u spravie pryvatnaha asvajeńnia kosmasu. Ciažkaja rakieta Vulcan Centaur kampanii United Launch Alliance paviezła na miesiac zond Peregrine 1, zrobleny kampanijaj Astrobotic Technology.
Rakieta startavała z mysa Kanavierał u ZŠA ŭ 07:18 pa Hrynvičy (02:18 pa Uschodnim standartnym časie) i, jak čakajecca, pryziamlicca na Miesiac 23 lutaha.
U mai, kali ŭsio pojdzie pa płanie, na Miesiac palacić kitajski miesiacachod «Čan-6».
Uletku spoŭnicca 55 hadoŭ z momantu, kali čałaviek upieršyniu apynuŭsia na Miesiacy.
U listapadzie svoj zond-miesiacachod VIPER płanuje adpravić na Miesiac i NASA.
Narešcie, dzieści paśla listapada NASA źbirajecca pasłać da spadarožnika Ziamli pieršy za 52 hady piłatavany karabiel.
Hetuju ekśpiedycyju nazvali «Artemida-2» (Artemis II). Čatyry astranaŭty na karabli Orion pavinny buduć ablacieć Miesiac — ale vysadžvajecca tudy pakul nie płanujecca.
Viankom ža prahramy «Artemida» pavinna stać — užo ŭ hetym dziesiacihodździ — stvareńnie na Miesiacy pastajannaj zasielenaj stancyi.
Kitaj taksama raźličvaje adpravić svaich tajkanaŭtaŭ na Miesiac da kanca hetaha dziesiacihodździa.
Ciapier čytajuć
«Šmatpartyjnaść, pluralizm mierkavańniaŭ — heta brachnia, zachodniaja brachnia». Łukašenka razhladaje kanstytucyjnaje viartańnie da savieckaj sistemy60
«Šmatpartyjnaść, pluralizm mierkavańniaŭ — heta brachnia, zachodniaja brachnia». Łukašenka razhladaje kanstytucyjnaje viartańnie da savieckaj sistemy
«Dziaŭčyna niedzie praź siem siekund užo pikiravała bieź piłota». Siabar deltapłanierysta, jaki raźbiŭsia ŭ Stročycach, raskazaŭ, što pryviało da trahiedyi33
«Dziaŭčyna niedzie praź siem siekund užo pikiravała bieź piłota». Siabar deltapłanierysta, jaki raźbiŭsia ŭ Stročycach, raskazaŭ, što pryviało da trahiedyi3
Biełaruskija abrady, arnamienty i biełaruskaja mova paŭsiul. Jak naščadak pierasialencaŭ zrabiŭ siało kala Bajkała znoŭ biełaruskim, i čamu heta moža chutka skončycca1414
Kamientary