U kancy studzienia praviaduć repietycyju centralizavanaha ekzamiena
27 studzienia va ŭsich vypusknikoŭ ustanoŭ siaredniaj adukacyi projdzie repietycyja CE. Padčas jaje padletki ŭ poŭnaj stupieni pavinny adčuć na sabie toje, što ich čakaje ŭ mai.
Školniki z rajcentraŭ pavinny centralizavana na aŭtobusach dabracca da tych punktaŭ, dzie viasnoj jany buduć zdavać CE.
Dyrektar Respublikanskaha instytuta kantrolu viedaŭ Juryj Miksiuk vykazaŭ mierkavańnie, što arhanizatary repietycyi CE i školniki pavinny ŭžo ciapier prajści praź situacyju, jakaja čakaje ich u budučyni.
«Zanižanych patrabavańniaŭ, jakija ŭvodziać u zman, być nie pavinna. Z adnaho boku, pavinny być zabiaśpiečanyja kamfortnyja ŭmovy dla ekzamienavanych, z druhoha boku, realizavany pryncypy abjektyŭnaści, spraviadlivaści, roŭnych umoŭ», — padkreśliŭ Miksiuk.
Pavodle jaho słoŭ, repietycyja CE budzie mała čym adroźnivacca ad sapraŭdnaha ekzamienu. U pryvatnaści, ciapier ekzamienacyjnyja materyjały pryviazuć biez dapamohi DPS, varyjant testavych materyjałaŭ budzie adzinym, jaho ž pierakładuć i na biełaruskuju movu. A błanki adkazaŭ u studzieni nadrukujuć biez numaroŭ na zvyčajnaj papiery biez stupieni abarony.
Pieršaha namieśnika hiendyrektara «Biełviesta» pasadzili na try z pałovaj hady za palityku6
Pieršaha namieśnika hiendyrektara «Biełviesta» pasadzili na try z pałovaj hady za palityku
«Ja nie śviataja, ale ŭ mianie nie było nadziejnaha plača pobač»: maci Ksiušy z SMA mohuć pazbavić baćkoŭskich pravoŭ, jana ž davodzić, što zdolnaja vypravicca1717
Kamientary