Dzie budzie adbyvać pakarańnie 66-hadovy palityk, pakul nieviadoma.
«Siońnia adbyŭsia «sud» pa źmienie režymu ŭtrymańnia Ryhora Kastusiova. Sudździa nakiravaŭ jaho na turemny režym. Pasiedžańnie prachodziła pa videasuviazi. Kudy i kali pieravodziać pakul nie viadoma», — napisaŭ učora ŭ svaim fejsbuku ziać eks-staršyni Partyi BNF Dźmitryj Antončyk.
Ryhora Kastusiova zatrymali 12 krasavika 2021 hoda ŭ Škłovie pa spravie pavodle art. 357 KK «Zmova ci inšyja dziejańni, ździejśnienyja z metaj zachopu dziaržaŭnaj ułady». Paźniej jaho asudzili da 10 hadoŭ kałonii. U listapadzie stała viadoma, što palitźniavolenaha źmiaścili na 6 miesiacaŭ u pamiaškańnie krytaha typu.
U źniavoleńni ŭ Ryhora Kastusiova abvastrylisia prablemy sa zdaroŭjem — u jaho vyjavili ankałahičnaje zachvorvańnie.
Kamientary