Zialenski padpisaŭ ukaz ab «histaryčna nasielenych ukraincami terytoryjach RF»
22 studzienia z nahody Dnia sabornaści Ukrainy prezident Ukrainy Uładzimir Zialenski zapisaŭ videazvarot da naroda. Vystupajučy na Safijskaj płoščy, Zialenski skazaŭ, što padpisaŭ ukaz ab «terytoryjach RF, histaryčna nasielenych ukraincami», jaki nakiravany na zachavańnie pravoŭ ukraincaŭ, jakija žyvuć na terytoryi Rasii, a taksama na raźviančańnie rasijskich mifaŭ.
«Heta viartańnie praŭdy pra histaryčnaje minułaje dziela ŭkrainskaj budučyni», — abviaściŭ jon.
Ukaz apublikavany na sajcie prezidenta Ukrainy.
Zhodna z dakumientam, urad Ukrainy sumiesna ź mižnarodnymi ekśpiertami i navukoŭcami raspracuje płan dziejańniaŭ pa zachavańni nacyjanalnaj identyčnaści ŭkraincaŭ u Rasijskaj Fiederacyi, u tym liku histaryčna nasielenych imi ziemlach.
Da takich terytoryj Zialenski adnios Kubań, Staradubščynu, Paŭnočnuju i ŭschodniuju Słabažanščynu ŭ miežach sučasnych Krasnadarskaha kraju, Biełharodskaj, Branskaj, Varoniežskaj, Kurskaj, Rastoŭskaj abłaściej.
Zialenski taksama daručyŭ sabrać fakty złačynstvaŭ suprać ukraincaŭ u Rasii, śviedčańni prymusovaj rusifikacyi, palityčnych represij i departacyj.
Va ŭkazie taksama havorycca pra aktyvizacyju pracy ŭ supraćdziejańni dezynfarmacyi i prapahandy Rasii ŭ dačynieńni da ŭkraincaŭ, u pryvatnaści, havorka idzie ab raspaŭsiudzie materyjałaŭ ab etničnych ukraincach i historyi stvareńnia dziaržavy Ukraina.
Ciapier čytajuć
U tranślacyi inaŭhuracyi vykarystali kampjutarnuju hrafiku. Voś u jakim momancie1
U tranślacyi inaŭhuracyi vykarystali kampjutarnuju hrafiku. Voś u jakim momancie
«Z maskalom havary, da kamień za pazuchaju dziaržy». My daviedvajemsia ŭsio bolš novaha pra Kastusia Kalinoŭskaha — palityka, jakoha ciapier nie chapaje3131
Kamientary