Prezident ZŠA Donald Tramp zajaviŭ, što niezadavoleny ŭdziełam ZŠA ŭ vajskovych vučeńniach z Paŭdniovaj Karejaj i daručyŭ kiraŭniku Pientahona Pitu Chiehsetu skaracić maštab sumiesnych manieŭraŭ.
Vučeńni Ulchi Freedom Shield, nakiravanyja na strymlivańnie KNDR, pačalisia ŭ paniadziełak, piša Bi-bi-si.
«Uličvajučy maje vielmi dobryja stasunki z Kim Čen Ynam z Paŭnočnaj Karei (apošni raz lidary sustrakalisia ŭ 2019 hodzie), ja niezadavoleny tym, što Złučanyja Štaty jašče daŭno pahadzilisia ŭdzielničać u sumiesnych vajennych vučeńniach z Paŭdniovaj Karejaj», — napisaŭ Tramp u Truth Social.
Jon taksama paskardziŭsia, što Sieuł admoviŭsia dałučycca da ZŠA ŭ vajnie ź Iranam.
«Ja niadaŭna spytaŭ u prezidenta Paŭdniovaj Karei, ci nie chočuć jany dałučycca da nas u spravie denuklearyzacyi Isłamskaj Respubliki Iran, na što jany adkazali: «Nie, dziakuj!»»
«Hetyja vučeńni nie tolki kaštujuć doraha — pryčym bolšuju častku vydatkaŭ, jak zvyčajna, apłačvajuć ZŠA, — ale i pasyłajuć zusim niedarečny i varožy sihnał krainie, jakaja za čas prezidenctva Donalda Trampa nie niesła pahrozy i prajaŭlała pavahu», — dadaŭ amierykanski lidar.
Tramp skazaŭ, što admianiać vučeńni, jakija praciahnucca jašče 11 dzion, užo zanadta pozna, tamu jon zahadaŭ ministru abarony «istotna skaracić» ich maštab.
Na minułym tydni vajskovaje kamandavańnie ZŠA i Paŭdniovaj Karei praviało supolnuju pres-kanfierencyju, pryśviečanuju vučeńniam. Na joj było abvieščana, što sioletnija manieŭry maštabam nie buduć sastupać vučeńniam minułych hadoŭ: u ich voźmuć udzieł kala 18 tysiač paŭdniovakarejskich vajskoŭcaŭ.
U minułuju subotu prezident Paŭdniovaj Karei Li Čže Mion prapanavaŭ Paŭnočnaj Karei pačać pieramovy ab zakančeńni vajny, jakaja farmalna praciahvajecca ŭžo bolš za 70 hadoŭ.
«Davajcie adkiniem naša imknieńnie pahražać adzin adnamu i, jak niepasrednyja ŭdzielniki, pačniom dyskusiju ab zakančeńni hetaj praciahłaj vajny», — skazaŭ prezident Li na cyrymonii z nahody hadaviny vyzvaleńnia Karei ad japonskaj akupacyi padčas Druhoj suśvietnaj vajny.
«Dziakujučy hetamu, mahčyma, udasca abmierkavać i efiektyŭnyja miery, z dapamohaj jakich možna budzie spynić raźvićcio jadziernych srodkaŭ Paŭnočnaj Karei», — dadaŭ Li.
KNDR ćviorda zajaŭlaje, što nie maje namieru admaŭlacca ad svajho jadziernaha arsienału.
Staruju kamianicu kala ratušy ŭ Mahilovie rychtavali dla haradskoha muzieja. Ciapier tam robiać ofis rasijskaha pasolstva na čale z byłym ministram «ŁNR»1414
Kamientary
Łapidarii oni takije, vsiudu odinakovyje....