Upieršyniu pradstaŭnik nacyjanalistaŭ uznačalić urad Paŭnočnaj Irłandyi
Irłandskija nacyjanalisty z «Šyn Fiejn» upieršyniu ŭznačalili ŭrad Paŭnočnaj Irłandyi. Kiraŭnik partyi Mišel OʼNił stała pieršym ministram va ŭradzie, za junijanistami zastalisia pasady śpikiera i namieśnika OʼNił.
Nacyjanał-respublikanskaja partyja «Šyn Fiejn» upieršyniu ŭ historyi ŭznačaliła ŭrad Paŭnočnaj Irłandyi, piša RBK. Lidar partyi Mišel OʼNił była pryznačanaja na pasadu pieršaha ministra va ŭradzie, jaki pa ŭmovach mirnaha pahadnieńnia 1998 hoda padzialaje ŭładu pamiž dźviuma asnoŭnymi supolnaściami Paŭnočnaj Irłandyi — brytanskimi junijanistami i irłandskimi nacyjanalistami.
I am honoured to take office as First Minister.
I am committed to representing all our people and communities.
Let us work together to build a brighter, better future for everyone. pic.twitter.com/J6uM9msUd3
Demakratyčnaja junijanisckaja partyja (DUP) u novym uradzie vystupić u jakaści małodšaha člena praviačaj kaalicyi.
«Dni hramadzianstva druhoha hatunku daŭno prajšli. Siońniašni dzień paćviardžaje, što jany nikoli nie viernucca. Jak irłandski respublikaniec, ja abiacaju supracoŭnictva i ščyryja sumlennyja namahańni z brytancami, jakija prytrymlivajucca junijanisckich tradycyj i jakija šanujuć naš sajuz», — zajaviła OʼNił paśla pieramohi.
Kamientujučy 30 hadoŭ mižkanfiesijnaha kanfliktu ŭ Paŭnočnaj Irłandyi, jana skazała: «My nikoli nie pavinny zabyvać tych, chto zahinuŭ ci byŭ paranieny, i ich siemji. Mnie škada ŭsich zahinułych padčas kanfliktu. Biez vyklučeńniaŭ». Daily Mail adznačaje, što dvoje stryječnych bratoŭ novaha kiraŭnika ŭrada byli členami IRA (Irłandskaj respublikanskaj armii, radykalnyja nacyjanalisty) i byli zastreleny miascovymi siłami biaśpieki.
Paŭnočnaja Irłandyja była stvorana jak častka Złučanaha Karaleŭstva z pratestanckaj bolšaściu ŭ 1921 hodzie, paśla taho jak paŭdniovaja častka Irłandyi, dzie bolšaść nasielnictva — kataliki, zdabyła niezaležnaść.
Jašče ŭ traŭni 2022 hoda «Šyn Fiejn», jakaja vystupaje za abjadnańnie Irłandyi, upieršyniu ŭ historyi atrymała pieramohu na vybarach u rehijanalny parłamient, tady jak junijanisty pakazali tolki druhi vynik. Praz hod partyja atrymała bolšaść mandataŭ na vybarach u miascovyja orhany ŭłady, što taksama adbyłosia ŭ pieršy raz. Adnak bolš za paŭtara hoda kaalicyjny ŭrad rehijonu nie ŭdavałasia sfarmiravać.
«My ad vas daloka, baćkoŭskija honi». Pabačyŭ śviet hruntoŭny encykłapiedyčny daviednik (610 staronak) pa biełaruskich mohiłkach u zamiežžy
Prezident Litvy schadziŭ na miuzikł za košt dziaržavy i narvaŭsia na niepryjemnaści
ZŠA i Brytanija nanieśli novyja ŭdary pa Jemienie
U Brytanii na aŭkcyjon vystavili ŭstaŭnyja zuby Čerčyla
Ciapier čytajuć
Žonku adnaho z hałoŭnych turemščykaŭ Biełarusi pasadzili ŭ kałoniju za ŭdzieł u pratestach5
Kamientary
A tak dobra, moža heta budzie krok da kančatkovaha abjadnańnia Irlandyi.