U Łos-Andželesie prajšło ŭručeńnie ŭznaharod samaj prestyžnaj muzyčnaj premii ŭ śviecie, jakaja ŭručajecca ŭ 66 raz. Tejłar Śvift uvajšła ŭ historyju, ustanaviŭšy rekord.
Amierykanskaja śpiavačka Bili Ajliš atrymała «Hremi» ŭ katehoryi «Pieśnia hoda» za trek What Was I Made For u filmie «Barbi».
Naminanty pradstaŭleny ŭ 94 katehoryjach. Uznaharody ŭručajuć za pieśni i albomy, jakija vyjšli z 1 kastryčnika 2022 pa 15 vieraśnia 2023 hoda.
Naminacyi «Pieśnia hoda», «Albom hoda», «Zapis hoda», «Najlepšy novy vykanaŭca» — čatyry samyja hałoŭnyja ŭznaharody. piša Bi-bi-si.
Tejłar Śvift atrymała 13-ju ŭ karjery ŭznaharodu, hetym razam u katehoryi «Najlepšy vakalny pop-albom». Taksama premija dastałasia joj za «najlepšy albom hoda». Tejłar Śvift stała pieršaj vykanaŭcaj, jakaja atrymała hety prestyžny trafiej čatyry razy. Uznaharodaj adznačany albom Midnight.
Prymajučy statuetki, jana abviaściła ab vychadzie ŭ krasaviku novaha, 11 pa liku alboma the Tortured Poets Department.
Majli Sajrus atrymała svaju pieršuju ŭznaharodu «Hremi» ŭ katehoryi «Najlepšaje solnaje pop-vykanańnie». Śpiavačka SZA — stała łaŭreatkaj premii ŭ katehoryi «Najlepšaja R&B-pieśnia».
U katehoryi «Zapis hoda» taksama ŭznaharodžana Majli Sajrus z kampazicyjaj «Flowers». Trek Flowers u minułym hodzie na praciahu vaśmi tydniaŭ zajmaŭ pieršaje miesca ŭ muzyčnym čarcie Billboard.
U katehoryi «Najlepšy novy vykanaŭca» pieramahła Viktoryja Mane.
A voś amierykanskaha repiera Killer Mike (sapraŭdnaje imia Majkł Santjaha Render) zatrymała palicyja prosta na cyrymonii paśla taho, jak jon atrymaŭ try ŭznaharody — za najlepšuju rep-pieśniu i najlepšaje rep-vykanańnie ŭ pieśni «Scientists & Engineers», a taksama za najlepšy rep-albom Michael. Za što, pakul nie paviedamlajecca.
Ciapier čytajuć
Žonka adhavorvała padpałkoŭnika DFR brać chabary, a toj kazaŭ «atrymaju pałkoŭnika — i na piensiju»: pieršaja piensija pryjšła ŭžo na aryštancki rachunak5
Žonka adhavorvała padpałkoŭnika DFR brać chabary, a toj kazaŭ «atrymaju pałkoŭnika — i na piensiju»: pieršaja piensija pryjšła ŭžo na aryštancki rachunak
Topavy pierakładčyk pajechaŭ u Biełaruś mianiać pašpart — i sieŭ za danaty. «KDB pahladzieŭ na sumu i vyrašyŭ, što nichto ŭ zdarovym rozumie nie moža vydatkavać stolki ŭłasnych hrošaj»1414
Kamientary