Samaloty, jakija laciać pa Polščy kala biełaruskaj miažy, abaviazali być «bačnymi i čutnymi»
U cyvilnych samalotaŭ, jakija pralatajuć nad rajonami uschodniaj Polščy, pavinny być uklučanyja transpondary (samalotnyja radyjołakacyjnyja adkaźniki) i aŭdyjosuviaź. Pra heta paviedamiŭ pres-sakratar apieratyŭnaha kamandavańnia Uzbrojenych sił Polščy padpałkoŭnik Jacak Haryšeŭski.
«My chočam ich bačyć i čuć», — skazaŭ Haryšeŭski. I dadaŭ, što rajony ŭschodniaj Polščy patrulujucca vajskovymi viertalotami i dronami.
Novyja patrabavańni ŭviali ŭčora, 5 lutaha, jany dziejničajuć da 5 maja.
Za dzień da taho, 4 lutaha, apieratyŭnaje kamandavańnie US Polščy i ahienctva aeranavihacyi raspaŭsiudziła papiaredžańnie, jakoje tyčycca palotaŭ va ŭschodniaj častcy krainy — uzdoŭž miežaŭ ź Biełaruśsiu, Rasijaj i Ukrainaj. Papiaredžańnie było źviazana z mahčymaj «niezapłanavanaj vajennaj dziejnaściu».
Ciapier čytajuć
«Uźnikajuć ujaŭleńni, što palitviaźni musiać być stojkimi, sabranymi, udziačnymi. A realnaść roznaja». Pahavaryli ź ludźmi, jakija vodziać departavanych litaralna za ruku66
Kamientary