Niamieckija hienierały tajemna naviedali Kijeŭ u dzień adstaŭki Załužnaha
U čaćvier u adnoj z haścinic Kijeva zaŭvažyli vysokapastaŭlenych hiermanskich hienierałaŭ. Na zapyt Bild u Minabarony FRH adkazali, što va Ukrainie znachodziacca hienierał-major Kryścijan Frojdynh i hienieralny inśpiektar Bundeśviera Karsten Brojer.
Pieršy ź ich uznačalvaje rabočuju hrupu pa kaardynacyi dapamohi Ukrainie pry Minabarony Hiermanii. Druhi — adzin z hałoŭnych vojenačalnikaŭ FRH i davieranaja asoba ministra abarony. Jany prybyli ŭ Kijeŭ tajemna pa zaprašeńni hałoŭnakamandujučaha USU Valeryja Załužnaha. Adnak u čaćvier dniom Uładzimir Zialenski adpraviŭ jaho ŭ adstaŭku.
U Minabarony FRH zajavili, što metaj vizitu byŭ «dalejšy abmien infarmacyjaj ab biahučych abaronnych patrebach i budučych vajennych vyklikach».
Jak piša ahladalnik Chahien Mejr, vizit moža paskoryć pieramovy ab vajennym supracoŭnictvie pamiž Bierlinam i Kijevam.
Siońnia hazieta Welt am Sonntag apublikavała intervju z Brajeram, jaki zajaviŭ, što niamieckaja armija pavinna być hatova da vajny ŭžo praź piać hadoŭ.
Pra mahčymy kanflikt Rasii z NATO jon skazaŭ: «Dla hetaha najpierš patrebny taki namier. Ja baču jaho ŭ Pucina, miarkujučy pa tym, što jon kaža i piša, a taksama pa jahonych dziejańniach va Ukrainie. <…> My bačyli, što rašeńniem Dziarždumy Rasija pierajšła na vajennuju ekanomiku. Tak što ich patencyjał zaraz raście».
Valeryj Załužny pakidaje pasadu Hałoŭnakamandujučaha USU
«Zvalnieńnie Załužnaha aznačaje novy etap u vajnie, Zialenski ryzykuje pamylicca» — The Economist
Zialenski prysvoiŭ Załužnamu zvańnie Hieroja Ukrainy
Alaksandr Syrski raskazaŭ, za košt čaho źbirajecca pieramahać u vajnie
Jašče adny kadravyja pierastanoŭki va ŭkrainskim vojsku
Pratasievič znoŭ ženicca — ciapier z tarołaham Nastaśsiaj, jakaja pracavała ŭ elitnym miedcentry «Miersi»40
Kamientary