U siaredzinie vieraśnia Nacyjanalny centr abarony piersanalnych danych pačaŭ pazapłanavuju pravierku TAA «Kampanija Tez Tur» paśla chakierskaj ataki na jaje sajt. Jak prachodzić pravierka, Office Life spytaŭ u namieśnicy dyrektara Nacyjanalnaha centra abarony piersanalnych danych Iny Leŭs padčas dziełavoha forumu «Prava. Technałohii. Adkaznaść».
Nahadajem, uviečary 15 vieraśnia biełaruski sajt mižnarodnaha turapieratara Tez Tour pry adkryćci pačaŭ vydavać pamyłku. Pry hetym na im źjaŭlałasia zahłuška z paviedamleńniem, što resurs uzłamany. U kampanii padkreślivali, što prykmietaŭ uciečki danych turystaŭ i partnioraŭ nie vyjaŭlena. Sajt doŭhi čas byŭ niedastupny, ale ciapier jaho praca ŭžo adnoŭlenaja.
Jak udakładniła Ina Leŭs, pravierka jašče nie zavieršanaja.
«Kampanija kaža, što ŭciečki nie było. Ale była jana ci nie — mienavita heta i źjaŭlajecca pradmietam pravierki», — skazała pradstaŭnica NCZPD.
Jana dadała: pytańnie ŭ tym, što danyja kampanii, jak i ŭ mnohich apierataraŭ u našaj krainie, zachoŭvajucca za miažoj. Tamu śpiecyjalistam ciapier treba vyśvietlić, ci mahła adbycca ŭciečka jak u nas, tak i za miažoj.
Ciapier čytajuć
Jamu vybili čatyry zuby, a paśla vykinuli z krainy. Ciapier byłoha palitviaźnia aryštavali ŭ Łatvii z šaściu mihrantami ŭ mašynie8
Kamientary