Urad Paŭdniovaj Karei vyrašyŭ adklikać svajho pasła z Ukrainy na radzimu, paviedamiła MZS krainy. U viedamstvie zajavili, što raźličvajuć na ŭrehulavańnie pytańniaŭ pamiž dźviuma krainami i praciahnuć kansultacyi z ukrainskim bokam, paviedamlaje «Dožd́».
Sieuł abvinavačvaje Kijeŭ u tym, što toj publična paviedamiŭ pra pieradaču Paŭdniovaj Karei dvuch paŭnočnakarejskich vajennapałonnych, choć baki damovilisia trymać heta ŭ sakrecie, a zatym iłžyva admaŭlaŭ, što takaja damoŭlenaść była.
Ukraina, jak havaryłasia ŭ zajavie Sieuła, nieadnarazova abmiarkoŭvała z Paŭdniovaj Karejaj pieradaču pałonnych i sama prasiła nie raskryvać infarmacyju pra heta, pakolki ŭ Kijevie aścierahalisia, što ŭnutry krainy ich buduć paprakać va ŭpuščanaj mahčymaści abmianiać paŭnočnakarejcaŭ na ŭkraincaŭ.
Paŭdniovaja Kareja pahadziłasia na heta, u tym liku dziela biaśpieki samich pałonnych i ich siemjaŭ. Adnak zatym, havaryłasia ŭ zajavie, Zialenski biez dastatkovych kansultacyj raspavioŭ pra pieradaču ŭ svaim vystupleńni na Hienieralnaj asamblei AAN, a ŭkrainski bok staŭ admaŭlać, što damoŭlenaść ab kanfidencyjnaści isnavała.
Paźniej Ukraina paprasiła prabačeńnia za toje, što raskryła infarmacyju pra pieradaču Paŭdniovaj Karei pałonnych z KNDR, ale ŭ Sieule paličyli heta niedastatkovym i paabiacali «rašučyja miery».
Kamientary