«Raju vydalić sumnieŭnuju infarmacyju z sacsietak za apošnija piać hadoŭ» — abłasny prakuror
Namieśnik prakurora Hrodzienskaj vobłaści Andrej Skurat tłumačyŭ, jak nie trapić na sutki za reposty.
Na sustrečy 8 lutaha z rabotnikami «Biełakta» i Vaŭkavyskaha miasakambinata Skurat siarod inšaha raskazvaŭ pra «supraćdziejańnie ekstremizmu», piša rajonka «Naš čas». Zapeŭnivaŭ, što im hałoŭnaje nie pakarać ludziej, a papiaredzić, kab jany nie parušali zakon. Pa jaho słovach, kolkaść zaviedzienych kryminalnych spraŭ za ekstremizm źnižajecca.
«Tym nie mienš: u kahości ŭ stužkach sacsietak, na staronkach asabistych akaŭntaŭ, mahčyma, zastalisia karcinki, reposty, łajki, kamientary z supolnaściaŭ abo hrup, pryznanych ekstremisckimi, padpiski na ich. Heta — pravaparušeńnie, pakarańnie za jakoje dosyć surjoznaje: štraf na fizičnuju asobu da 30 bazavych vieličyń abo administracyjny aryšt na termin da 15 sutak z usimi vynikajučymi nastupstvami, a ŭ vypadku parušeńnia paradku praviadzieńnia masavych mierapryjemstvaŭ — da 100 bazavych vieličyń i 30 sutak administracyjnaha aryštu. Nichto nie zacikaŭleny ŭ takim pavarocie padziej.
Tamu raju znajści čas, prahledzieć svaje akaŭnty ŭ sacsietkach, miesiendžarach za apošnija piać hadoŭ i vydalić usiu infarmacyju, jakaja vyklikaje sumnieŭ»,
— kazaŭ namieśnik prakurora.
«Surazmoŭcy sprabujuć stvaryć iluziju, što jany na maim baku». Biełarusy raskazali, jak prachodzili dopyty na miažy
«Ja svajo ŭžo adbajałasia ŭ 2020 hodzie». Biełarusy, jakija ŭdzielničali ŭ pratestach, raspaviali, čamu praciahvajuć jeździć na radzimu
Jak padrychtavacca da prychodu siłavikoŭ — instrukcyja
Kamientary