Hramadstva1414

Jak padrychtavacca da prychodu siłavikoŭ — instrukcyja

Učora ŭ dziasiatkaŭ biełarusaŭ prajšli pieratrusy. Praz toje samaje prachodziać tyja, kaho štodnia aryštoŭvajuć za kamientary dy ŭdzieł u pratestach. Raspaviadajem, jak padrychtavacca da zatrymańnia i pieratrusu tak, kab pastaracca abaranić siabie.

Kałaž «Našaj Nivy»

Čamu važna rychtavacca

Kali raniej pry zatrymańniach milicyjanty mahli stukać u dźviery i čakać, pakul vy adčynicie, abo adkryta čakać vas pad domam, to ciapier zvyčajna vizit adbyvajecca brutalna i źnianacku. Va ŭraźlivaj hrupie znachodziacca mnohija: byłyja žurnalisty i aktyvisty, byłyja palitviaźni abo niechta ź ich svajakoŭ, udzielniki pratestaŭ, jakija mahli trapić na fota. Časam zatrymlivajuć navat łajalnych sistemie ludziej.

Prybiarycie z doma ŭsio lišniaje

Najpierš źviarnicie ŭvahu na toje, što znachodzicca ŭ vas u domie. 

Varta prybrać biełaruskuju nacyjanalnuju abo pratesnuju simvoliku. Taksama źviarnicie ŭvahu na knihi — niekatoryja ź ich užo pryznanyja ekstremisckimi. Tak vy možacie paźbiehnuć farmalnych pryčynaŭ dla pieraśledu. Tym bolš, što kanfiskavanuju simvoliku dy knihi vam nie viernuć, a prosta źniščać pa pastanovie suda.

Kali vy majecie kartku zamiežnaha banka, praź jakuju atrymlivali abo pieradavali dapamohu dy rabili achviaravańni, to nie zachoŭvajcie jaje doma.

Pačyścicie vašy pryłady

Heta taksama vielmi važna rabić zahadzia. Pa spasyłkach buduć hajdy na kožny z apisanych vypadkaŭ — ahułam heta zojmie ŭ vas paru hadzinaŭ, ale heta varta zrabić.

Pačnicie z sacsietak (naprykład, instahrama z tyktokam) dy vydalicie ź ich łajki.

Paśla pierajdzicie da ačystki miesiendžaraŭ. Źviarnicie ŭvahu na abaronu akaŭntaŭ u Whatsapp dy Viber.

Dalej pačyścicie YouTube i Google-akaŭnt. Asobna źviarnicie ŭvahu na achviaravańni praz fejsbuk dy nadziejna vydalicie akaŭnt.

Viarniciesia ŭ Telegram. Źviarnicie ŭvahu na vašy kamientary i telehram-boty, jakija vy aktyvavali. Vydalicie ŭsie vašy sinchranizavanyja kantakty, bo tudy mahli patrapić ludzi, jakich siłaviki jašče nie znajuć (Nałady — Pryvatnaść i biaśpieka — Vydalić sinchranizavanyja kantakty).

Taksama pastaŭcie tajmiery aŭtamatyčnaha vydaleńnia dla ŭsich čataŭ ź ludźmi, jakija znachodziacca ŭ Biełarusi, abo vydalajcie ich štoraz paśla kamunikacyi. A kali vam piša čałaviek, u jakim vy nie peŭnyja, to lepš praviadzicie dadatkovuju pravierku, naprykład, videazvanok. Źviarnicie ŭvahu na toje, jak siłaviki ŭvohule znachodziać ludziej u telehramie i pastarajciesia abaranić siabie.

Padumajcie pra mahčymaść pierastvareńnia akaŭnta ŭ Telegram. Taksama pahladzicie hajd pra ananimnyja akaŭnty — mahčyma, varta pierastvaryć i inšyja vašy akaŭnty.

Zajdzicie ŭ halereju (Android, iOS). Vydalicie ŭsio, što moža być skarystana suprać vas. Paśla pačyścicie Google Photos dy iCloud.

Źviarnicie ŭvahu na vašy kampjutary — nie zachoŭvajcie tam taho, što moža być skarystana suprać vas.

Taksama nadziejna pačyścicie vašy kryptahamancy.

Budźcie aściarožnyja ŭ stasunkach

Davoli šmat infarmacyi śpiecsłužby atrymlivajuć praz kantakty — jak praz tych, chto piša zašmat u sacsietkach, hetak i praz sacsietki i miesiendžary zatrymanych.

Tamu, pa-pieršaje, nie dadavajcie ludziej u kantakty ŭ miesiendžarach, a kali dadajacie, to staŭcie im vydumanaje imia. 

Pa-druhoje, kali vy sami vykonvajecie praviły biaśpieki, to patrabujcie hetaha ad inšych. Nie varta być zanadta rezkimi, ale budźcie nastojlivymi.

Pa-treciaje, nie kažycie ludziam, jakim vy nie daviarajecie, asabistaj abo adčuvalnaj infarmacyi.

Prydumajcie, jak apaviaścić inšych

Kali vy zatrymanyja, to nie zaŭždy možna pra heta paviedamić — siłaviki ŭryvajucca źnianacku.

Tamu my raim prydumać ułasnuju sistemu apaviaščeńnia pra represii. Naprykład, źviazvacca ź niejkim čałaviekam za miažoj u kantrolny čas štodnia.

«Naša Niva» — bastyjon biełaruščyny

PADTRYMAĆ

Kamientary14

  • Hańba kaniešnie
    24.01.2024
    Jak padrychtavacca? Nasikać u štany, inšaha šlacha ŭ bajazliŭcaŭ, raboŭ i biezchrybietnikaŭ niama. Možna kaniešnie i poŭny skid zrabić, štanoŭ...
  • Hieroju słava!
    24.01.2024
    Ja viedaju tolki adnaho čałavieka, jak byŭ padrychtavany.
    Viečnaja pamiać Tabie, Andrej Zelcer!
  • Obyčnaja sieḿja biełorusov, v prošłom kommunisty
    24.01.2024
    Naša sieḿja užie poł podjezda sdała v miliciju za ekstriemistskuju diejatielnosť. My za Stranu! Za Priezidienta!

Ciapier čytajuć

«Abmiarkoŭvajem pytańnie ab vyzvaleńni jašče 1300 źniavolenych». Tramp raskazaŭ, pra što havaryŭ z Łukašenkam27

«Abmiarkoŭvajem pytańnie ab vyzvaleńni jašče 1300 źniavolenych». Tramp raskazaŭ, pra što havaryŭ z Łukašenkam

Usie naviny →
Usie naviny

Zahinuŭ 20-hadovy łuniniecki milicyjanier5

Maładoha ajcišnika z Mahilova asudzili pa čatyroch palityčnych artykułach i adpravili ŭ kałoniju2

Kity, karabiel-pryvid i čyrvonaje śviatło: biełarus pierasiok Atłantyku pad vietraziem3

Kolkaść mašyn na polskaj miažy pieravaliła za 3500 — heta rekord6

Sustreča Trampa i Pucina pačniecca a 22-j hadzinie

Tolki 1% tych, chto vyžyŭ paśla Chirasimy i Nahasaki, paśla pamierli ad rakavych chvarob, vyklikanych radyjacyjaj9

«Nioman» urvaŭ pieramohu ŭ «Kłakśvika» pa pienalci i prabiŭsia ŭ płej-of kvalifikacyi Lihi kanfierencyj13

Praryŭ rasijan kala Dabrapolla: ci sapraŭdy USU ŭdałosia niejtralizavać pahrozu2

Tramp spadziajecca na dobruju sustreču z Pucinym, ale nie ličyć jaje samaj važnaj5

bolš čytanych navin
bolš łajkanych navin

«Abmiarkoŭvajem pytańnie ab vyzvaleńni jašče 1300 źniavolenych». Tramp raskazaŭ, pra što havaryŭ z Łukašenkam27

«Abmiarkoŭvajem pytańnie ab vyzvaleńni jašče 1300 źniavolenych». Tramp raskazaŭ, pra što havaryŭ z Łukašenkam

Hałoŭnaje
Usie naviny →

Zaŭvaha:

 

 

 

 

Zakryć Paviedamić