U Biełarusi pradajuć novyja miniveny «Łada». Ale vam naŭrad ci zachočacca płacić za ich amal 30 tysiač dalaraŭ
U prodažy možna adšukać adrazu dźvie madeli minivenaŭ ad rasijskaha aŭtavytvorcy.
Heta Lada Granta Kub i Niva KUB NN. Ceny na ich u Minsku składajuć $27 885 i $28 195 adpaviedna.
Abiedźvie madeli vypuskaje pradpryjemstva «Pramysłovyja technałohii», jakoje zajmajecca vypuskam furhonaŭ i hruza-pasažyrskich viersij na bazie madelaŭ Lada.
Kab zrabić sa zvyčajnaj «Hranty» vaśmimiesny miniven, inžynieram daviałosia amal na paŭtara mietra pavialičyć kołavuju bazu i ŭstalavać pnieŭmatyčnuju padviesku na tylnuju voś.
Miniveny sumiesnaj vytvorčaści ad Lada i «Pramysłovych technałohij» jość ŭ troch varyjacyjach: pasažyrskija na 8 miescaŭ, hruza-pasažyrskija na 5 miescaŭ i całkam hruzavyja.
Za sprečnuju źniešnaść adrazu paśla anonsu navinak kamientatary ŭ internecie pačali paraŭnovać hetyja mašyny z katafałkami. Vyhladaje, što jany nie prahadali. Siarod śpiecviersij prapanujuć rytualny aŭtamabil na bazie Lada Niva Kub i Lada Granta Kub.
Niva KUB pabudavana na bazie 4-dźviernaj Niva. Kołavuju bazu pavialičyli na 35 santymietraŭ, a daŭžynia minivena pavialičyłasia na 66 santymietraŭ.
Čytajcie taksama:
Razmytnienyja pa lhocie aŭto nielha budzie pradavać u Rasiju. Što źmienicca ŭ zakonie i jak heta adabjecca na Biełarusi?
Ciapier čytajuć
U pieramovach z Koŭłam hetym razam biare ŭdzieł i Turčyn. Z amierykanskaha boku Śmit źmianiŭsia na Panika2
U pieramovach z Koŭłam hetym razam biare ŭdzieł i Turčyn. Z amierykanskaha boku Śmit źmianiŭsia na Panika
Elektronnuju «Biełaruskuju encykłapiedyju», stvoranuju jak prastoru «vierahodnych viedaŭ pra Biełaruś», cicha likvidavali razam z redakcyjaj. Kupu artykułaŭ pieradali Hihinu44
Kamientary