Bilecki paćvierdziŭ ukrainski nastup pad Limanam i raskazaŭ niekalki detalaŭ
«Naša apieracyja nazyvajecca «Vivaldzi». A ŭ Vivaldzi, jak viadoma, čatyry siezony. I heta — tolki pieršy ź ich».
Kamandujučy Trecim armiejskim korpusam USU Andrej Bilecki paćvierdziŭ ukrainski nastup pad Limanam.
Nastupalnaja apieracyja maje nazvu «Vivaldzi». U ciapierašni čas paviedamlajecca, što Treci korpus začyściŭ ad infiltracyi Navasiołaŭku, Alaksandraŭku, Jaravuju, vakolicy Karovinaha Jara i vyzvaliŭ Siaredniaje. Hienierał Bilecki ŭ sacsietkach padkreśliŭ, što ŭ Vivaldzi — čatyry siezony, zaklikaŭ da infarmacyjnaha maŭčańnia i paabiacaŭ dobryja naviny ŭ aficyjnych paviedamleńniach, piša «Ukrainskaja praŭda».
«Paćviardžajem infarmacyju ab nastupleńni ŭkrainskaj armii na poŭnačy Danieckaj vobłaści. U režymie infarmacyjnaha zacišša padraździaleńni likvidavali asiarodki infiltracyi praciŭnika i začyścili 75 km². Jašče 10 km² — deakupavana. Naniesieny źniščalny ŭdar pa bajazdolnaści 20‑j i 25‑j armij RF. Straty praciŭnika na dadzienym etapie: kala 1500 sałdat, bolš za 12 tysiač bieśpiłotnikaŭ i sotni adzinak braniatechniki, artyleryjskich sistem, aŭtamabilnaj techniki.
Adnačasova padraździaleńni bieśpiłotnych sistem pierarezali łahistyčnyja maršruty praciŭnika. U vyniku ŭdaraŭ korpusa rasijskija vojski pieranieśli pastaŭki haruča-zmazačnych materyjałaŭ za miežy Ukrainy — u Varoniežskuju vobłaść: byŭ zhornuty trubapravod i vyniesieny składy», — paviedamiŭ Bilecki.
«U adkrytych krynicach zaraz šmat infarmacyi pra toje, što kančatkovaja meta našych nastupalnych dziejańniaŭ — vyjści da bierahoŭ raki Čorny Žarabiec. Ale naša apieracyja nazyvajecca «Vivaldzi». A ŭ Vivaldzi, jak viadoma, čatyry siezony. I heta — tolki pieršy ź ich.Tamu sačycie za našymi aficyjnymi paviedamleńniami i nie śpiašajciesia sa spojlerami. Dobryja naviny buduć», — dadaŭ jon.
26 žniŭnia prezident Uładzimir Zialenski zajaviŭ, što ŭkrainskija pazicyi ŭ Danieckaj vobłaści buduć uzmocnieny dvuma abnoŭlenymi hrupoŭkami vojskaŭ, jakija ŭznačalać Dzianis Prakapienka i Andrej Bilecki.
Ciapier čytajuć
Brat biełaruskaj karalevy pryhažości trapiŭ u reanimacyju ŭ Azierbajdžanie2
Brat biełaruskaj karalevy pryhažości trapiŭ u reanimacyju ŭ Azierbajdžanie
Małady biełarus nie chacieŭ siadzieć u Rasii za narkotyki, tamu prydumaŭ, jak chutka vyjści z kałonii — i vyjšaŭ na ŭkrainskija pazicyi pad Pakroŭskam44
Kamientary