Ukraina ŭdaryła z «chajmarsa» pa śledčaj hrupie, jakaja raźbirałasia z achviarami papiaredniaha ŭdaru
Jak paviedamlałasia, 21 lutaha ŭkrainskaja artyleryja naniesła try ŭdary pa hrupach rasijskich vajskoŭcaŭ. Stali viadomy niekatoryja padrabiaznaści.
Jak piša telehram-kanał «Rybar», udary byli naniesieny 21 lutaha pa palihonie ŭ Nacyjanalnym parku «Aleškaŭskija piaski», raźmieščanym za 10-15 kiłamietraŭ ad Krynak.
«Da supraćlehłaha bieraha Dniapra i Ciahinki ad centra parka — kala 20 km. Pracoŭnaja adlehłaść dla RSZA HIMARS i bieśpiłotnikaŭ małoha radyusu dziejańnia. Udary naniesienyja M30A1 GMLRS z valframavymi šarykami ŭnutry», — havorycca ŭ paviedamleńni.
Jak zaŭvažaje telehram-kanał «Vajenny infarmatar», asnoŭnym faktaram dla paśpiachovaha naniasieńnia ŭdaru staŭ praciahły charaktar zboru vajskoŭcaŭ u adnym miescy pad kantrolem bieśpiłotnikaŭ praciŭnika.
Paśla taho, jak pačalisia mierapryjemstvy pa akazańni pieršaj dapamohi, USU nanieśli paŭtorny ŭdar.
Jak adznačaje «Rybar», treci ŭdar byŭ naniesieny, miarkujučy pa ŭsim, pa śledča-apieratyŭnaj hrupie, jakaja pravodziła adpaviednyja mierapryjemstvy.
Rasijski vajskovy ekśpiert Uładzisłaŭ Šuryhin ličyć, što USU namacali słaboje miesca Rasii:
«Praciŭnik namacaŭ našaje ŭraźlivaje miesca — palihony, dzie navučajecca asabovy skład, i pačaŭ metanakiravanaje palavańnie na ich. Vialikaja častka takich palihonaŭ — heta pustki, nie abstalavanyja ŭ inžyniernych adnosinach, biez achoŭnych zbudavańniaŭ, palihonnych kamand, faktyčna, pastki dla asabovaha składu».
Čytajcie jašče:
USU ŭdaryli z HIMARS pa pastrajeńni rasiejskich vojskaŭ na palihonie ŭ Chiersonskaj vobłaści
U vajnie pieramoža toj, u kaho budzie bolš snaradaŭ. Ci moža heta być Ukraina?
USU trapili pa palihonie pad Vałnavachaj, Z-błohiery kažuć pra 65 zabitych vajskoŭcaŭ
Ciapier čytajuć
Były pamočnik Łukašenki Ihar Bryło pryznaŭ, što nabraŭ chabaraŭ na $2 miljony7
Kamientary