USU trapili pa palihonie pad Vałnavachaj, Z-błohiery kažuć pra 65 zabitych vajskoŭcaŭ
Rasijskija vajenkary paviedamlajuć pra ŭdały ŭdar, naniesieny Uzbrojenymi siłami Ukrainy pa vajskovym palihonie pad Vałnavachaj Danieckaj vobłaści akurat tady, kali na im prachodzili navučańnie rasijskija vajskoŭcy.
Z paviedamleńniaŭ možna zrazumieć, što na palihonie, jaki znachodzicca kala siała Trudaŭskoje Vałnavachskaha rajona, pravodziłasia navučańnie vajskoŭcaŭ 36-j asobnaj hvardziejskaj motastrałkovaj bryhady (v/č 35390), jakaja pastajanna dysłakavanaja ŭ Južna-Sachalinsku. Palihon znachodzicca za 7 kiłamietraŭ ad linii frontu.
Abstreł tryma rakietami RSZA HIMARS (inšy vajenkar paviedamlaje, što «kasietnymi bojeprypasami»), adbyŭsia ŭ toj momant, kali na palihonie pravodziłasia šychtavańnie vajskoŭcaŭ. Heta było nibyta a 9-j hadzinie ranicy, na palihon čakaŭsia vizit niejkaha vysokaha načalnika.
Jak paviedamlajecca, tolki zabitymi rasiejcy stracili 65 čałaviek, źviestak pra paranienych pakul nie padajecca.
Čytajcie taksama:
U akupavanaj Makiejeŭcy prahrymieli vybuchi
«16 tysiač biezzvarotnych strat». Aŭdziejeŭka vačyma rasijskich vajenkaraŭ
Vyjšaŭ na svabodu biełarus, jakoha ŭ svoj čas prysudzili da pažyćciovaha źniavoleńnia. Heta pieršy viadomy taki vypadak8
Kamientary