Parłamient Vienhryi 26 lutaha paśla paŭtarahadavoha zaciahvańnia narešcie ratyfikavaŭ dakumient ab ustupleńni Šviecyi ŭ Paŭnočnaatłantyčny aljans. Pra heta paviedamlaje «Jeŭrapiejskaja praŭda».
Za ratyfikacyju Pratakoła ab ustupleńni Šviecyi ŭ NATA prahałasavali 188 deputataŭ vienhierskaha parłamienta, suprać vystupili tolki šaściora.
Farmalna praces ratyfikacyi zavieršycca paśla taho, jak ratyfikacyjny pratakoł padpiša prezident Vienhryi i jon budzie apublikavany ŭ aficyjnym vieśniku. Čakajecca, što heta adbudziecca ciaham nastupnaha tydnia.
Vienhryja była apošniaj krainaj — členam NATA, jakaja nie ŭzhadniała ŭstupleńnie Šviecyi ŭ Paŭnočnaatłantyčny aljans. Doŭhi čas Budapiešt śćviardžaŭ, što padtrymlivaje ŭstupleńnie Šviecyi i budzie «nie apošnim», chto jaho ŭchvalić. Na praktycy ž ratyfikacyja ŭ vienhierskim parłamiencie adbyłasia paźniej, čym navat u Turcyi, jakaja da apošniaha aktyŭna krytykavała Šviecyju z-za niedastatkovaj «baraćby z teraryzmam».
Jak viadoma, u minułuju piatnicu premjer Šviecyi Ulf Krystersan prybyŭ ź vizitam u Budapiešt. Padčas jaho Orban zajaviŭ ab «adnaŭleńni davieru ŭ adnosinach» i paćvierdziłasia infarmacyja, što Šviecyja pradaść Vienhryi jašče 4 źniščalniki Gripen i praciahnie pahadnieńnie pa ich absłuhoŭvańni.
Pajšła ŭ adstaŭku prezidentka Vienhryi. Joj nie daravali pamiłavańnia čałavieka, zamiašanaha ŭ piedafilii
Žurnalisty daviedalisia, chto pierakanaŭ Orbana dapamahčy Ukrainie
U vypadku dałučeńnia Ukrainy da Jeŭrasajuza, da ES dałučycca i Biełaruś, tam budzie revalucyja — Viktar Orban
«U Orbana pistalet, a ŭ nas bazuka». Jeŭrasajuz pryhraziŭ razvalić ekanomiku Vienhryi, kali taja znoŭ zabłakuje dapamohu dla Ukrainy
«Trajanski koń» Pucina. Chto taki Viktar Orban i čyj bok jon sapraŭdy zajmaje?
Ciapier čytajuć
Šrajbman z kalehami prapanavali pakrokavy płan deeskałacyi adnosin Biełarusi i ES26
Šrajbman z kalehami prapanavali pakrokavy płan deeskałacyi adnosin Biełarusi i ES
«Ja ich ni pra što nie prasiŭ i tym bolš — vysyłać mianie z radzimy». Departavanyja palitviaźni rezka adkazali Kavaleŭskamu. Nie abyšłosia biez abrazaŭ4444
Kamientary