70-hadovaha suzasnavalnika rasijskaha «Miemaryjała» asudzili da 2,5 hoda za «dyskredytacyju armii»
Hałavinski rajonny sud Maskvy prysudziŭ 70-hadovaha suzasnavalnika «Miemaryjała» Aleha Arłova da 2 hadoŭ i 6 miesiacaŭ kałonii ahulnaha režymu za «paŭtornuju dyskredytacyju rasijskaha vojska». Nahodaj staŭ post fejsbuku, dzie jon nazvaŭ režym Uładzimira Pucina fašysckim.
U artykule «Im chaciełasia fašyzmu, jany jaho atrymali» Arłoŭ pisaŭ pra toje, što «kraina, jakaja tryccać hadoŭ tamu pajšła ad kamunistyčnaha tatalitaryzmu, skaciłasia nazad u tatalitaryzm, ale ciapier fašyscki». Arłoŭ u artykule ŭskłaŭ vinu za heta na Uładzimira Pucina.
Adrazu paśla prysudu na Arłova nadzieli kajdanki i vyviali z zały suda.
«Prysud pakazaŭ, što moj artykuł dakładny», — skazaŭ Arłoŭ, vychodziačy z zali.
Hety prysud 70-hadovamu pravaabaroncu staŭ u Rasii samym žorstkim za ŭvieś čas isnavańnia artykuła 280.3 «Ab dyskredytacyi rasijskaj armii».
Da Arłova samy surovy prysud pa artykule atrymaŭ Alaksiej Maskaloŭ, dačka jakoha namalavała antyvajenny malunak.
«Miemaryjał» u 2022 hodzie atrymaŭ razam ź biełarusam Alesiem Bialackim Nobieleŭskuju premiju mira. U Rasii arhanizacyja pryznanaja zamiežnym ahientam i likvidavanaja.
Žycharcy Čalabinska, jakaja pryniesła kvietki da pomnika achviaram palityčnych represij, u palicyi ŭručyli partret Bieryi z «zapavietam»
U Polščy iduć na pavyšeńnie prakurory, jakija 13 hadoŭ tamu vydali łukašystam źviestki pra rachunak Bialackaha
Padjom a 5-j ranicy, šmon, pramzona, znoŭ šmon. Adzin dzień z žyćcia źniavolenaha nobieleŭskaha łaŭreata Alesia Bialackaha
Ciapier čytajuć
U Biełarusi zaćvierdzili praviły evakuacyi kaštoŭnaściaŭ na vypadak vajny: cehłu z Bresckaj krepaści z nadpisami buduć ratavać pierš za karciny Šahała i Sucina1313
Kamientary