U Homieli sudzili piensijaniera, jaki paškodziŭ mašynu skarynkaj kavuna
U sudzie Centralnaha rajona Homiela razhledžanaja kryminalnaja sprava, fihurantam jakoj staŭ 63-hadovy piensijanier. Jamu było vystaŭlena abvinavačvańnie ŭ chulihanstvie, spałučanym z paškodžańniem čužoj majomaści, paviedamlaje «Homielskaja praŭda».
Incydent adbyŭsia ŭ žniŭni minułaha hoda. U toj viečar piensijanier piŭ mocnyja napoi i zakusvaŭ ich kavunom, jaki krychu raniej znajšoŭ kala śmiećcievych kantejnieraŭ. A ŭžo bližej da nočy mužčyna vyrašyŭ pazbavicca ad kavunovych skarynak, dla čaho vyjšaŭ na bałkon i staŭ kidać ich u dvor.
Adna z hetych skarynak zvaliłasia na dach aŭtamabila Chevrolet Aveo, pakinuŭšy na im uvahnutaść. Uładalnica mašyny źviarnułasia ŭ milicyju.
Spačatku piensijanier admaŭlaŭ svaju datyčnaść da naniesienaj škody, adnak zatym pakajaŭsia i całkam jaje kampiensavaŭ, zapłaciŭšy 520 rubloŭ. Ni na śledstvie, ni ŭ sudzie mužčyna nie zmoh uciamna rastłumačyć svaje dziejańni.
«Pavodle prysudu suda abvinavačanamu pryznačana pakarańnie ŭ vyhladzie štrafu ŭ pamiery tryccaci bazavych vieličyń, što składaje 1200 rubloŭ, — paviedamiŭ staršy pamočnik prakurora Homiela Alaksandr Šapavałaŭ. — Akramia taho, ustanoŭlena, što piensijanier pakutuje na chraničny ałkahalizm, u suviazi z čym u dačynieńni da jaho ŭžytyja prymusovyja miery biaśpieki i lačeńnia».
Čytajcie taksama:
Pjany minčuk pabiŭsia z ahitacyjnym stendam
U Hrodnie mužčyna tak udaryŭ nahoj u śpinu piensijaniera, što toj pieralacieŭ cieraz łaŭku
Ciapier čytajuć
Biełarus, jaki vajavaŭ za Ukrainu, raspavioŭ, čym jaho začaravała kachanka Ina Kardaš, ahientka KDB23
Biełarus, jaki vajavaŭ za Ukrainu, raspavioŭ, čym jaho začaravała kachanka Ina Kardaš, ahientka KDB
«Ź mianie ničoha nie voźmieš, a ludzi paciarpieli». Para piensijanieraŭ druhi hod nie moža vypisać ź minskaj kvatery šmatdzietnuju siamju emihrantaŭ44
«Ź mianie ničoha nie voźmieš, a ludzi paciarpieli». Para piensijanieraŭ druhi hod nie moža vypisać ź minskaj kvatery šmatdzietnuju siamju emihrantaŭ4
Učora — u łukašenkaŭskaj turmie, siońnia — u Kijevie dapamahaje ŭkraincam vyžyć. Były palitviazień i svajak Cichanoŭskaj staŭ vałancioram u Punkcie niazłomnaści66
Kamientary