Polskaja palicyja raskazała, jak zatrymała čałavieka, što padazrajecca ŭ zhvałtavańni biełaruski ŭ Varšavie
Supracoŭniki palicyi z varšaŭskaha rajona Śrudmieście zatrymali 23-hadovaha chłopca, jaki padazrajecca ŭ napadzie z nažom na 25-hadovuju biełarusku i jaje zhvałtavańni. Pakalečanaja žančyna ciapier znachodzicca ŭ reanimacyi.
Supracoŭniki palicyi prybyli na miesca złačynstva praź niekalki chvilin paśla taho, jak aholenuju žančynu biez prytomnaści znajšoŭ na leśvicy nahladčyk budynka. Jany vyklikali chutkuju dapamohu, a pakul taja nie pryjechała, akazali paciarpiełaj žančynie pieršuju dapamohu.
Z-za žorstkaści hetaha złačynstva vyjaŭleńnie i zatrymańnie złačyncy było pryjarytetnaj zadačaj dla ŭsich supracoŭnikaŭ palicyi, jakija zajmalisia hetaj spravaj.
23-hadovaha chłopca vysačyli i schapili, kali jon vychodziŭ z doma, dzie zdymaŭ kvateru. Jon byŭ nastolki ŭražany, što nie supraciŭlaŭsia. Padčas ahladu pamiaškańnia, dzie padazravany žyŭ, palicyjanty znajšli i kanfiskavali ŭ tym liku vialiki kuchonny nož i bałakłavu, jakija vykarystoŭvalisia pry ździajśnieńni złačynstva. Užo viadoma, što złamyśnik zabraŭ u achviary dva mabilnyja telefony, niekalki płaciežnych kartak i kašalok. Usie hetyja rečy palicyja kanfiskavała.
U chodzie rasśledavańnia padazravanamu vystavili abvinavačańnie ŭ razboi, seksualnym złačynstvie i zamachu na zabojstva ź niebiaśpiečnaj zbrojaj. Za hetyja złačynstvy, zhodna z polskim Kryminalnym kodeksam, mužčynu ciapier pahražaje da 25 hadoŭ abo navat pažyćciovaje źniavoleńnie.
Čytajcie taksama:
Dla padtrymki zhvałtavanaj i pakalečanaj u Varšavie biełaruski adkryli dabračynny zbor
Biełarusku zhvałtavali i sprabavali zadušyć u centry Varšavy
Ciapier čytajuć
Čym ciapier zajmajucca dziaŭčaty, jakich letaś nazvali samymi pryhožymi ŭ Biełarusi?9
Čym ciapier zajmajucca dziaŭčaty, jakich letaś nazvali samymi pryhožymi ŭ Biełarusi?
Mistyčnaje koła Vilni: Kalinoŭski byŭ pachavany ź miedaljonam śviatyni, kala jakoj vyras hatyčny pałac doktara z-pad Oršy. Ciapier pareštki Kalinoŭskaha pierapachavali ŭ mahilni taho ž doktara2121
Kamientary