Rasiejcy źniščyli va Ukrainie ŭstanoŭku HIMARS — pieršy paćvierdžany epizod za 19 miesiacaŭ
U rasijskich i ŭkrainskich telehram-kanałach publikujucca paviedamleńni ab źniščeńni rasijskimi vojskami ŭkrainskaj rakietnaj ustanoŭki HIMARS. Padobnyja paviedamleńni z rasijskaha boku źjaŭlalisia i raniej, ale ŭkrainski bok ich nie paćviardžaŭ. Ciapier takija paćviardžeńni źjavilisia.
Krynicy publikujuć danyja hieałakacyi, zhodna ź jakimi ŭdar pa ŭstanoŭcy byŭ naniesieny ŭ rajonie Nikanoraŭki ŭ Danieckaj vobłaści.
Na apublikavanym u siecivie videa bačny zajezd RSZA na pazicyju. Paśla pa joj nanosić udar rasijski ATRK «Iskander», paśla čaho HIMARS uspychvaje.
Paźniej adbyvajecca detanacyja bojekamplekta — vidać hareńnie rakiet z charakternym dla rakietnaha paliva biełym dymam.
ZŠA pačali pastaŭlać Ukrainie reaktyŭnyja sistemy załpavaha ahniu HIMARS u červieni 2022 hoda. U pieršuju hadavinu rasijskaha ŭvarvańnia, 24 lutaha 2023 hoda, ministr abarony ZŠA Łojd Ościn paviedamlaŭ, što Ukrainie pastaŭlena 38 takich ustanovak. Da 1 studzienia hetaha hoda ich było 39.
Kali infarmacyja ab źniščeńni HIMARS paćvierdzicca, to heta budzie pieršaja strata hetaj ustanoŭki za 19 miesiacaŭ, jakija prajšli ad času pastavak HIMARS Ukrainie.
Čarhovaja cyrymonija ŭznaharodžvańnia ŭ Danieckaj vobłaści — čarhovy prylot z «chajmarsa». 19 zahinułych
Ukraina ŭdaryła z «chajmarsa» pa śledčaj hrupie, jakaja raźbirałasia z achviarami papiaredniaha ŭdaru
USU ŭdaryli z HIMARS pa pastrajeńni rasiejskich vojskaŭ na palihonie ŭ Chiersonskaj vobłaści
U vajnie pieramoža toj, u kaho budzie bolš snaradaŭ. Ci moža heta być Ukraina?
«Ciapier mnie čužaja sama kancepcyja ŭžyć niešta, čaho ty nie viedaješ». Vialikaja hutarka ź Ivanam Šyłam pra biznes, zarablańnie z dapamohaj ŠI, žančyn i botaks13
Kamientary