U Jehipcie devalvavali funt amal na 40%. Čaho čakać biełaruskim turystam?
Jehipiet devalvuje svaju nacyjanalnuju valutu funt bolš čym na 38%, paviedamlaje Bloomberg. U suviazi z hetym «Anłajnier» udakładniŭ u biełaruskich turapierataraŭ, ci varta z-za hetaha čakać źnižeńnia cenaŭ na adpačynak u hetaj krainie.
Valuta Jehipta asłabła bolš čym na 38% u vyniku doŭhačakanaj devalvacyi, jakaja moža dapamahčy krainie atrymać dadatkovyja miljardy kredytaŭ ad Mižnarodnaha valutnaha fondu. Havorka idzie pra pavieličeńnie biahučaha kredytu ŭ 3 miljardy dołaraŭ da bolš čym 10 miljardaŭ dalaraŭ.
U karotkaterminovaj pierśpiektyvie devalvacyja moža vyklikać inflacyju i nanieści škodu jehipcianam. Ale prezident Abdel-Fatach As-Sisi i čynoŭniki robiać staŭku na reformy, jakija pryciahnuć zamiežnych inviestaraŭ u krainu, stabilnaść jakoj ličycca vyrašalnaj dla ŭsiaho Blizkaha Uschodu. Tak jany płanujuć pakłaści kaniec najhoršamu ekanamičnamu kryzisu za apošnija dziesiacihodździ.
Ci možna praz devalvacyju jehipieckaha funta čakać źnižeńnia cenaŭ na adpačynak u hetaj krainie? U turystyčnym ahienctvie «A» adkazvajuć tak:
«Śpiecyjalisty kažuć, što adznačajuć značnaje źnižeńnie cenaŭ na najbližejšyja vylety, ale ŭ cełym, kali razhladać bolš dalokija daty/pieryjady adpačynku, to ceny zastajucca ŭ raniejšych značeńniach. Hetaja infarmacyja aktualnaja na dadzieny momant, bo karekciroŭki cenaŭ i ich abnaŭleńnia prychodziać da nas ad partnioraŭ praktyčna štodnia».
Čytajcie taksama:
Turcyja, Čarnahoryja, Ispanija: pahladzicie, jakija tury možna zabraniravać na leta prosta ciapier
Ci ŭdasca aščadzić, kali lacieć u Jehipiet z abłasnych centraŭ?
Ciapier čytajuć
«Spasibo, Lena! Prodołžajtie viesti nabludienije». Aficer, jaki pisaŭ Charysavaj, paśviŭsia ŭ čatach palitemihracyi, a niekatorym dziaŭčatam navat prapanoŭvaŭ abmianiacca niudsami73
«Spasibo, Lena! Prodołžajtie viesti nabludienije». Aficer, jaki pisaŭ Charysavaj, paśviŭsia ŭ čatach palitemihracyi, a niekatorym dziaŭčatam navat prapanoŭvaŭ abmianiacca niudsami
Nivodnaha minskaha, homielskaha, italjanskaha ci francuzskaha. Zatoje ŭ Mahilovie budujuć užo čaćviorty rasijski dvoryk, hetym razam — ź miadźviedziem1010
Kamientary