Były ŭkrainski pałonny raskazaŭ, jak jaho pradali čačencam dla nastupnaha abmienu
Čačenskija vajenizavanyja hrupoŭki kuplajuć vajennapałonnych, kab potym abmianiać ich na svaich va ŭkrainskaha boku. Ab hetym The Times raskazaŭ adzin z byłych vajennapałonnych.
Pa słovach pres-sakratara ŭkrainskaha kaardynacyjnaha štabu pa abychodžańni z vajennapałonnymi, ź jakim razmaŭlali žurnalisty The Times, čačenskija vajenizavanyja hrupoŭki aktyŭna skuplajuć pałonnych ukraincaŭ u inšych rasijskich vajskovych hrupovak.
«Byli vypadki, kali jany kuplali našych paranienych u rasiejskaha vojska, vieźli ich u stalicu Čačni Hrozny, a zatym abmieńvali na svaich», — cytuje vydańnie pradstaŭnika Ukrainy.
Ličycca, što na terytoryi Ukrainy znachodziacca bolš za 10 tysiač kadyraŭcaŭ. U pieršyja miesiacy kanfliktu jany ŭdzielničali ŭ ciažkich bajach u rajonie Maryupala, Sievieradaniecka i Lisičanska. Ale z taho času ich udzieł u asnoŭnym zvodzicca da achovy paradku i łahistyčnych apieracyj na addaleńni ad linii frontu.
Znachodžańnie ŭ tyle nie daje kadyraŭcam mahčymaści samim zachoplivać varožych sałdataŭ. Tamu ich kamandziry, miarkujučy pa ŭsim, vyrašyli kuplać pałonnych, jakich potym možna abmianiać na čačencaŭ, jakija znachodziacca va ŭkrainskich łahierach dla vajennapałonnych.
Vydańnie pryvodzić historyju 41-hadovaha Viačasłava Lavickaha, jakoha ŭziali ŭ pałon apałčency tak zvanaj Danieckaj narodnaj respubliki ŭ lutym 2023 hoda i paśla pradali čačencam.
Mužčyna atrymaŭ ranieńni abiedźviuch noh i žyvata padčas načnoha nalotu na jaho pazicyju ŭ lasach na poŭnačy ad Aŭdziejeŭki. Kali jon aprytomnieŭ, to niekalki dzion poŭzaŭ pa mierzłaj ziamli ŭ pošukach astatnich bajcoŭ svajho padraździaleńnia.
Kali ž Viačasłaŭ dabraŭsia da svaich pazicyj, to jany ŭžo byli zachopleny praciŭnikam. Mužčyna patrapiŭ u pałon. Pavodle jaho słoŭ, jamu nie akazali nijakaj miedycynskaj dapamohi i bili rydloŭkaj, kab prymusić raskryć častatu radyjochvali, jakuju vykarystoŭvajuć ukrainskija vajennyja radysty.
Adnak praz dva dni Viačasłava advieźli na čačenskuju pazicyju za niekalki kiłamietraŭ ad frontu i skazali, što jon jedzie ŭ Hrozny. Jak tolki jon prybyŭ u stalicu Čačni, jaho advieźli ŭ špital, dzie amputavali častki abiedźviuch noh i abiedźviuch abmarožanych ruk.
Paśla vyzdaraŭleńnia Viačasłava sa špitala pieravieźli ŭ padvał, dzie jon utrymlivaŭsia razam z 60 inšymi ŭkrainskimi pałonnymi, jakich rychtavali da abmienu na piaciarych čačencaŭ. U červieni 2023 hoda mužčyna viarnuŭsia dadomu ŭ ramkach abmienu z 39 inšymi ŭkraincami.
Publikacyju pra isnavańnie ŭ Rasii čornaha rynku ŭkrainskich vajennapałonnych hłava Čačni Ramzan Kadyraŭ nazvaŭ «fejkam». Raniej Kadyraŭ ahučyŭ kolkaść bajcoŭ z Čačni, jakija znachodziacca na froncie. Jana nibyta składaje kala 8 tysiač čałaviek. A ŭsiaho ź lutaha 2022 hoda na front z Čačni było nakiravana bolš za 38 500 čałaviek.
Čytajcie jašče:
Jak nasamreč adbyvajucca abmieny. Historyja byłoha pałonnaha sałdata Uzbrojenych sił Ukrainy
Rasija vykarystoŭvaje pałonnych bajcoŭ USU jak žyvy ščyt? Zjavilisia videadokazy z-pad Rabocina
Ukraina pieradała Rasii jašče adnaho pałonnaha biełarusa
Ukraincy abmianiali adnaho z pałonnych biełarusaŭ, jaki vajavaŭ za Rasiju
Kamientary