«23 hady žyvu pry Łukašenku, płakać chočacca ad ščaścia». Mahiloŭskuju prapahandystku nie spynić
Azaronak zaprasiŭ da siabie na strym uzychodziačuju zorku mahiloŭskaj prapahandy Vitalinu Pietrusievič. Jana raniej źnievažała ŭ siužetach zatrymanych za palityku.
«Naša Niva» ŭžo pisała pra Vitalinu. U zahałoŭku taho artykuła stajała jaje cytata «Łukašenku lublu ŭsim svaim sercam». «Heta moj lubimy zahałovak artykuła», — acaniła prapahandystka.
«Možacie jašče dziesiać artykułaŭ napisać. Tak, ja sapraŭdy lublu ŭsim sercam našaha prezidenta. Heta nie adniać i ź mianie nie dastać nijak, nijakimi abcuhami».
Vitalina Pietrusievič zhadała, jak niadaŭna pierahladała kadry z žanočaha foruma na «Minsk-Arenie» ŭ vieraśni 2020-ha.
«Jak jany jaho sustrakali. Muraški pa skury, płakać chočacca ad ščaścia. I Ała Alaksandraŭna — heta naša hałoŭnaja žančyna ŭ vobłaści ŭ płanie taho, što ŭznačalvaje abłasny sajuz [žančyn] — skazała:
«Prezident syšoŭ, a my jašče vielmi doŭha stajali i apładziravali. A potym pačali płakać ad ščaścia, što ŭ nas taki prezident, što ŭ nas na čale taki mužčyna. My za im pojdziem».
Samoj dziaŭčynie 23 hady — adznačaje, što naradziłasia pry Łukašenku.
«Žyła pry im, žyvu pry im i chaču jašče stolki ž pry im pražyć. I ja heta kažu absalutna ščyra, bo ŭ mianie ŭsio było ŭ dziacinstvie. Dziciačy sad, škoła — usio biaspłatna. Miedycyna biaspłatna. Pastupać kudy chočaš — idzi, rabi kudy chočaš. Vybar jość. Nu chiba ad hetaha možna admovicca? Chiba prezidenta tut možna ŭ čymści vinavacić?»
«Łukašenku lublu ŭsim svaim sercam». Chto takaja Vitalina Pietrusievič, jakaja stała tvaram prapahandysckich filmaŭ mahiloŭskaha telebačańnia
Sirata, «pravilna» havoryć, addany Łukašenku. Čym admietny mahiloŭski ideołah, jaki stanie samym maładym deputatam Pałaty pradstaŭnikoŭ
Piatro Piatroŭski: Treba ŭvodzić kryminalnuju adkaznaść za nacyjanalizm i libieralizm
Što za Dźmitryj Skindzieraŭ, jaki abviaściŭ vajnu Cichanoŭskaj? Supracoŭnictva z HUBAZiKam, daŭhi ŭ Biełarusi, daŭhi ŭ Litvie37
Kamientary