Maleńkija Daryna i Valeryja Bahdzievičy znojdzienyja, usio dobra
Dzieci prapali ŭčora ŭviečary ŭ Puchavickim rajonie.
A pałovie na čaćviortuju nočy pošukavy atrad «Anioł» paviedamiŭ, što dzietki znojdzienyja, jany žyvyja.
«Padrabiaznaści paviedamim paźniej! Pošukavaja apieracyja zavieršana! Usim vialiki dziakuj za vašyja nieabyjakavyja sercy!» — havorycca ŭ paviedamleńni.
«Dziakujučy sumiesnym namahańniam, źnikłyja ŭ Puchavickim rajonie dziaŭčynki znojdzieny za niekalki kiłamietraŭ ad doma ŭ lesie. Dastaŭlajucca ŭ Puchavickuju CRB dla ahladu daktarami», — paviedamiła načalnik upraŭleńnia infarmacyi i hramadskich suviaziaŭ MUS Natalla Sacharčuk.
Dziaciej znajšli, kali pračesvali les sumiesna z supracoŭnikami PSA «Anioł», raspaviała pradstaŭnik MUS. Jana taksama adznačyła, što važnuju rolu adyhrała vykarystańnie kvadrakoptaraŭ.
***
Daryna i Valeryja Bahdzievič (4 i 2 hady) byli doma ŭ babuli ŭ vioscy Rybcy Puchavickaha rajona. Kala 17:30 pajšli ŭ bok doma i źnikli. Paźniej była dadziena abviestka pra ich vyšuk.
Kamientary