Vice-premjer Pietryšenka pastaviŭ ambitnyja zadačy pierad dziaržaŭnymi ŚMI
Taksama praciahnuć praktyku ŭzbujnieńnia rehijanalnych ŚMI.
Dziaržaŭnyja ŚMI pavinny pavialičvać vytvorčaść ułasnaha praduktu na telebačańni i radyjo, a rajonnyja haziety — publikavać bolš krytyčnych materyjałaŭ. Hetyja i inšyja zadačy pierad Mininfarmam i padnačalenymi jamu arhanizacyjami pastaviŭ vice-premjer Ihar Pietryšenka na kalehii, pryśviečanaj vynikam pracy Ministerstva infarmacyi ŭ minułym hodzie, piša Reform.by.
Tezisy jaho vystupu apublikavała pres-słužba ŭrada. U pryvatnaści, Pietryšenka zajaviŭ, što nieabchodna ŭzmacniać «lidzirujučaje stanovišča dziaržaŭnych ŚMI ŭ miedyjnaj prastory krainy».
Akramia taho, patrabujecca:
— pavialičvać vytvorčaść ułasnaha praduktu na telebačańni i radyjo:
— praciahvać uzmacnieńnie hramadska-palityčnaha i publicystyčnaha składnika dziaržaŭnych ŚMI;
— raźvivać aŭtarskuju žurnalistyku i adkryvać u joj novyja imiony;
— zabiaśpiečvać «supraćdziejańnie destruktyŭnym prajavam» u infarmacyjnym poli.
Asobna jon zakranuŭ rehijanalnyja dziaržaŭnyja ŚMI. Praktyka ŭzbujnieńnia redakcyj budzie praciahnutaja.
«Padychody da dalejšaha ŭzbujnieńnia i abjadnańnia redakcyj pavinny być maksimalna ŭzvažanymi. Uvažliva analizujcie dziejnaść užo stvoranych miedyjachołdynhaŭ, plusy i minusy ich pracy i tolki z ulikam metazhodnaści prymajcie rašeńni ŭ hetym napramku», — cytuje Pietryšenka pres-słužba ŭrada.
Pavodle jaho słoŭ, rehijanalnyja redakcyi pavinny aktyvizavać pracu pa źnižeńni vydatkaŭ, aptymizacyi redakcyjna-vydavieckich pracesaŭ. Pry hetym patrabujecca praciahvać raźvićcio multymiedyjnaha składnika, u pieršuju čarhu internet-resursaŭ, pracu ŭ sacsietkach. Pietryšenka adznačyŭ, što »nieabchodna pavialičvać kolkaść krytyčnych materyjałaŭ, ułasnaj analityki, raźvivać aŭtarskija kałonki». U hetym rajonkam pavinien dapamahčy Mininfarm.
Ihar Pietryšenka taksama daručyŭ Ministerstvu pradoŭžyć sistemny analiz efiektyŭnaści dziejnaści redakcyj i pa vynikach akazvać im mietadyčnuju padtrymku.
«A Łatuška sam siabie budzie lustryravać za toje, što čynoŭnikam pracavaŭ?» Spoviedź byłoha supracoŭnika BiełTA
Chto hetyja prapahandysty z telebačańnia, kamu ŭłady asabista vynieśli padziaki za pracu
«Z rajvykankamam u nas zaŭsiody byli kanstruktyŭnyja adnosiny». Jak stać «ekstremisckim farmavańniem», nie pišučy pra palityku
Ciapier čytajuć
Były palitviazień znajšoŭ u Vilni padpracoŭku ŭ čacie — i trapiŭ pad kryminałku za pravakacyi suprać Ukrainy13
Kamientary
zabiaśpiečvać «supraćdziejańnie destruktyŭnym prajavam» u infarmacyjnym poli.