«Heta sapraŭdny kvantavy skačok dla mianie!» Kaleśnikava syhrała ź simfaničnym arkiestram u Aŭstryi
Paśla bolš jak piaci hadoŭ pierapynku Maryja Kaleśnikava vystupiła jak salistka ź Vienskim radyjosimfaničnym arkiestram ORF. U aŭstryjskim Hracy jana ŭdzielničała ŭ suśvietnaj premjery tvora Radiophobia, pryśviečanaha Čarnobylu.
«Heta sapraŭdny kvantavy skačok dla mianie! Jašče hod tamu ja nie była ŭpeŭnienaja, što kali-niebudź zmahu viarnucca na scenu ŭ jakaści salistki», — napisała Kaleśnikava ŭ fejsbuku paśla kancerta.
Vystup adbyŭsia 9 kastryčnika na fiestyvali ORF musikprotokoll. Kaleśnikava hrała na flejcie, a razam ź joj vystupiła ŭkrainskaja śpiavačka, saprana Viktoryja Vitrenka, jakuju Maryja nazyvaje svajoj darahoj siabroŭkaj.
«Paśla bolš jak piaci hadoŭ pierapynku znoŭ hrać ź simfaničnym arkiestram, adčuvać nievierahodnuju enierhiju sceny i publiki — ja dahetul nie mahu pavieryć, što heta adbyvajecca!» — padzialiłasia Kaleśnikava.
Radiophobia: a silent requiem for Chornobyl («Radyjafobija: cichi rekvijem pa Čarnobyli») — heta kancert dla flejty i saprana z arkiestram kampazitara Lavona Švira.
Ź fiestyvalem ORF musikprotokoll Maryju źviazvajuć asablivyja adnosiny. Kali Maryja była ŭ źniavoleńni, arhanizatary razam z Univiersitetam muzyki i vykanalnickich mastactvaŭ Hraca pravodzili mierapryjemstvy ŭ jaje padtrymku. Na scenu stavili jaje flejtu — jak znak adsutnaści samoj muzykantki. U 2024 hodzie Vitrenka pryśviaciła joj solny viečar, a ciapier jany vyjšli na scenu razam.
«Jakoje ščaście viarnucca ŭ svoj śviet muzyki, tvorčaści, siabroŭstva i svabody!» — napisała Maryja.
Ciapier čytajuć
Hety małady biełarus stajaŭ la vytokaŭ ChatGPT. Voś što jon zrabiŭ1
Kamientary