APK: Idzie fejkavaja rassyłka nakont pašparta novaj Biełarusi dla zboru danych
Pradstaŭnictva pa zamiežnych spravach Abjadnanaha Pierachodnaha Kabinieta papiaredziła ab fejkavaj rassyłcy nakont pašparta novaj Biełarusi i prosić pilna stavicca da svaich piersanalnych danych.
Jak paviedamlaje APK, niekatorym biełarusam pačali prychodzić mejły byccam by ad imia «vałanciorskaj słužby prajektu novaha nacyjanalnaha pašparta Biełarusi» z prapanovaju pakinuć piersanalnyja danyja dziela «nievialikaha sumoŭja».
Pradstaŭnictva pa zamiežnych spravach Abjadnanaha Pierachodnaha Kabinieta aficyjna zajaŭlaje, što heta — čarhovy fejk ad režymu, jaki stavić na metu sabrać piersanalnyja dadzienyja biełarusaŭ.
U prajekcie novaha nacyjanalnaha pašparta Biełarusi niama nijakaj vałanciorskaj słužby.
«My nie źbirajem i nie płanujem źbirać anijakija piersanalnyja danyja biełarusaŭ praź internet i źviazvacca praz Gmail», — havorycca ŭ paviedamleńni.
Kali vam chtości napisaŭ ad imia Pradstaŭnictva / Kabinieta / Ofisa / «pašpartnaha centra», pierad tym jak adkazvać, zazirnicie ŭ aficyjnyja sacyjalnyja sietki Pradstaŭnictva pa zamiežnych spravach, Abjadnanaha Pierachodnaha Kabinieta Biełarusi i kiraŭnicy Kabinieta Śviatłany Cichanoŭskaj. Tolki tam publikujecca aficyjnaja infarmacyja pa prajekcie novaha nacyjanalnaha pašparta Biełarusi.
Kali ŭ vas jość sumnievy, vy zaŭsiody možacie źviarnucca asabista ŭ Pradstaŭnictva pa zamiežnych spravach praz našyja aficyjnyja staronki ŭ Facebook, Instagram ci napisać u Telegram, kirujučysia pryncypami ličbavaj biaśpieki, papiaredžvaje APK.
Što nie tak z pašpartam «Novaj Biełarusi» dla kedebista, pakazanym na ANT
Na ANT pakazali pašpart «Novaj Biełarusi» na imia nieisnujučaha kedebista. Kavaleŭski: U nas jašče navat niama ŭzoraŭ
«Moža, heta pamyłka?» Što kaža pra svaju spravu niepubličnaja biełaruska, jakuju za pratesty buduć sudzić zavočna
Ciapier čytajuć
U Varšavu pryjechała sotnia biełaruskich palitviaźniaŭ16
Kamientary