Viarchoŭnaj Radzie prapanujuć pierajmienavać siało Vatucina ŭ Charkaŭskaj vobłaści ŭ Załužnaje, paviedamiła deputatka Iryna Hieraščanka. Tym samym chočuć ušanavać byłoha hałoŭnakamandujučaha USU Valeryja Załužnaha, jakoha niadaŭna źniali z pasady i adpraŭlajuć ambasadaram u Vialikabrytaniju.
Z takim zvarotam u Viarchoŭnuju Radu źviarnułasia Charkaŭskaja abłasnaja rada, a kamitet Rady pa miascovym samakiravańni prapanovu ŭžo padtrymaŭ. Ciapier rašeńnie ab pierajmienavańni pavinien razhledzieć parłamient.
Usiaho kamitet choča pierajmienavać dziasiatki nasielenych punktaŭ. Papiaredniaja maštabnaja dekamunizacyja, jakaja pravodziłasia va Ukrainie z 2015 hoda, u asnoŭnym nie zakranała savieckija nazvy, źviazanyja z Druhoj suśvietnaj vajnoj i jaje hierojami, ale paśla pačatku paŭnamaštabnaj vajny z Rasijaj dajšła sprava i da ich.
Siało Vatucina znachodzicca ŭ Novavadałažskim rajonie Charkaŭskaj vobłaści. Jano było stvorana adrazu paśla Druhoj suśvietnaj vajny i nazvana ŭ honar savieckaha hienierała Mikałaja Vatucina, jaki ŭ 1944 hodzie pamior ad ran, atrymanych u bai z bajcami Ukrainskaj paŭstanckaj armii.
Valeryja Załužnaha pryznačyli pasłom Ukrainy ŭ Vialikabrytanii
Budanaŭ pra zvalnieńnie Załužnaha: Kali ŭsio było vydatna, to čamu my tam, dzie jość?
Jaki rejtynh davieru va Ukrainie ŭ Syrskaha, a jaki ŭ Załužnaha — vyniki apytańnia
Zialenski prysvoiŭ Załužnamu zvańnie Hieroja Ukrainy
«Zvalnieńnie Załužnaha aznačaje novy etap u vajnie, Zialenski ryzykuje pamylicca» — The Economist
«Dla biełaruskich uładaŭ ja, chutčej, mahčymaść, a nie pahroza». Kaleśnikava dała vialikaje intervju Zołatavaj93
Kamientary
Vy ničieho posčitať nie možietie, kromie pary rublej na byrłO v karmanie!
On sčitajet...