49‑hadovaha prahramista z Babrujska asudzili pa palityčnaj spravie
Siarhieju Sinickamu dali chatniuju chimiju.
Siarhieju Sinickamu 49 hadoŭ, jon z Babrujska. Vyšejšuju adukacyju mužčyna atrymaŭ u BDUIR na fakultecie radyjotechniki i elektroniki.
Pry kancy 1990‑ch jon sprabavaŭ zajmacca biznesam i rehistravaŭ IP, ale ŭ 2003 hodzie jano było likvidavanaje.
Doŭhi čas Siarhiej pracavaŭ prahramistam na AAT «Biełaruśhumatechnika». Paśla pracavaŭ na toj ža pasadzie ŭ bujnym pierapracoŭščyku šyn «Ekavier».
Kryminalnuju spravu suprać Sinickaha razhladaŭ sud Leninskaha rajona horada Mahilova. Prahramista abvinavacili pavodle častak 1 i 2 artykuła 361‑4 Kryminalnaha kodeksa Biełarusi — sadziejničańnie ekstremisckaj dziejnaści.
Jamu prysudzili chatniuju chimiju.
Masavyja palityčnyja represii ŭ krainie pačalisia paśla 2020 hoda. Tady Alaksandr Łukašenka prajhraŭ Śviatłanie Cichanoŭskaj, ale nie addaŭ joj ułady, a zmusiŭ jaje vyjechać za miažu. Adbylisia masavyja narodnyja pratesty suprać dyktatury i falsifikacyi vybaraŭ. Na heta ŭłady adkazali represijami.
Pavodle padlikaŭ abjadnańnia siłavikoŭ «Biełpoł» i pravaabaroncaŭ, viadomyja imiony jak minimum 10050 čałaviek, jakija padpali pad palityčna matyvavanyja kryminalnyja spravy. Usiaho tyja ci inšyja palityčnyja represii (kryminałki, administratyŭki, zvalnieńni, pieratrusy, vymušanaja emihracyja) zakranuli sotni tysiač biełarusaŭ.
«Ekstremizmam» ułady Biełarusi ličać patrabavańnie pravieści svabodnyja vybary z prazrystym padlikam hałasoŭ, a taksama praktyčna ŭsialakuju krytyku ŭładaŭ, prarasijskich histaryčnych naratyvaŭ, prajavy salidarnaści z Ukrainaj, antyvajennyja vystupy.
«Naša Niva» — bastyjon biełaruščyny
PADTRYMAĆMajstra aŭtacentra «Reno» ź Minska pasadzili za dapamohu represavanym, a paśla zaviali jašče adnu spravu
Nastaŭnicu z-pad Pietrykava asudzili za «sadziejničańnie ekstremisckaj dziejnaści»
Kiroŭcu pahruzčyka z Hrodna asudzili pa šaści palityčnych artykułach. Imavierna, jaho schapili paśla viartańnia ŭ Biełaruś
Ciapier čytajuć
Hieroj Biełarusi Maryna Vasileŭskaja naradziła dačku ad kasmanaŭta Aleha Navickaha16
Kamientary