Čałavieku, jaki ŭdaryŭ nažom hubiernatara Murmanska, ździejśnić złačynstva zahadaŭ hołas u hałavie
Stan Andreja Čybisa ciažki, jon u reanimacyi.
Stan hubiernatara Murmanskaj vobłaści Andreja Čybisa paśla napadu z nažom aceńvajecca jak ciažki, jon znachodzicca ŭ reanimacyi, paviedamiŭ hałoŭny doktar Apatycka-Kiraŭskaj CDB Juryj Šyrajeŭ, piša RBK.
Pavodle jaho słoŭ, Čybis byŭ praapieravany, apieracyja doŭžyłasia bolš za hadzinu. «Nasamreč jamu vielmi mocna pašancavała, što [udaram naža] nie była zakranutaja aorta», tamu dalej lačeńnie jon budzie prachodzić u reanimacyi», — skazaŭ hałoŭny doktar.
Paźniej kiraŭnik rehijanalnaha Ministerstva achovy zdaroŭja ŭdakładniŭ, što stan ciažki, ale stabilny. «Dapamoha miedycynskaja ŭ nieabchodnym abjomie akazana. Vykanana łaparatamija, revizija, hiemastaz», — rastłumačyŭ jon.
Nieviadomy napaŭ z nažom na Čybisa ŭviečary 4 krasavika adrazu paśla taho, jak kiraŭnik rehijonu vyjšaŭ na vulicu z budynka DK «Budaŭnik», dzie pravodziŭ sustreču z žycharami Apatyt. Paśla ranieńnia hubiernatar znachodziŭsia ŭ prytomnaści i samastojna dabraŭsia da mašyny.
Napadnika praktyčna adrazu zatrymaŭ supracoŭnik Rashvardyi. Jak udakładniali ŭ SK, mužčyna akazaŭsia miascovym žycharom, jon byŭ paranieny pry zatrymańni ŭ nahu ź pistaleta. Jon źjaŭlajecca supracoŭnikam Rasijskaj čyhunki i raniej niekalki razoŭ pryciahvaŭsia da administracyjnaj adkaznaści.
Pavodle źviestak Baza i «112», imia napadnika — Alaksandr Bydanaŭ, jamu 42 hady. Paśla zatrymańnia jon paviedamiŭ, što ździejśnić złačynstva jamu skazaŭ hołas u hałavie.
Kamientary
Brešuć, padły na karyść svajho fiurera.
Pasył taki, što tolki chvoryja na hałavu mohuć napaści na pucinskich naznačencaŭ jakich " lubić" narod.