U Biełarusi źjaviŭsia mabilny dadatak «Ja_OK», jaki dazvalaje manitoryć stan i biaśpieku rodnych, što žyvuć adnyja ci na adlehłaści. Jaho raspracavała kampanija-rezident PVT «AMIS-AjCi», piša vydańnie Devby.io.
Z dapamohaj servisu možna daviedacca, što z pažyłym svajakom, adzinokim čałaviekam ci čałaviekam z chraničnym zachvorvańniem usio ŭ paradku, a pry nieabchodnaści — chutka atrymać sihnał i dziejničać.
Karystalniku treba dvojčy na dzień nacisnuć adnu knopku dla paćviardžeńnia, što ŭsio dobra. Kali ŭ vyznačany čas adznaka nie pastupiła, prahrama aŭtamatyčna adpraŭlaje apaviaščeńnie (puš, sms ci mejł) daviernaj asobie — svajaku, siabru, susiedu ci sacrabotniku. Siervis nie pavinien stvarać adčuvańnia tatalnaha kantrolu, ale vykonvać funkcyju «cichaha strachavańnia»: čałaviek zachoŭvaje samastojnaść, a blizkija — spakoj.
Raspracoŭščyki ŭličyli asablivaści metavaj aŭdytoryi — ludziej starejšaha pakaleńnia i tych, u kaho nie zaŭsiody jość dostup da sučasnych pryład i stabilnaha internetu. Dadatak padtrymlivajuć navat nie samyja sučasnyja pryłady, a pry adsutnaści ci niestabilnaści internet-złučeńnia sistema aŭtamatyčna pieraklučajecca na sms i praciahvaje adpraŭku da paśpiachovaj dastaŭki apaviaščeńnia. Dostup da śpisa kantaktaŭ nie patrebny — dastatkova adzin raz paznačyć numar telefona ci poštu davieranaj asoby.
«Raspracoŭka demanstruje, jak IT-rašeńni mohuć adkazvać na kankretnyja sacyjalnyja vykliki: stareńnie nasielnictva, pavieličeńnie kolkaści adzinokich ludziej, patrebu ŭ dystancyjnaj apiecy biez uvarvańnia ŭ asabistuju prastoru», — adznačajuć u PVT.
Kamientary
Tak što heta "razrabotka" zvyčajny puk u atmaśfieru.