Rasšyfravany virus Fast16, jaki škodziŭ iranskaj jadziernaj prahramie
Heta byŭ paŭnavartasny srodak dyviersii novaha typu.
Daśledčyki z kampanii SentinelOne rasšyfravali virus Fast16, stvorany jašče ŭ 2005 hodzie i, vierahodna, raspracavany ZŠA abo Izrailem dla skrytaha sabatažu iranskaj jadziernaj prahramy.
Cikava, što ŭzor škodnaha koda doŭhi čas zastavaŭsia zahadkaj paśla vycieku danych ANB praz hrupu Shadow Brokers u 2017 hodzie, dzie jon fihuravaŭ z paznakaj: «Ničoha cikavaha, nie čapać».
Tolki ciapier stała zrazumieła, što heta nie špijonski instrumient, jak inšyja virusy, jakija trapili va ŭciečku padčas uzłomu, a paŭnavartasny srodak dyviersii novaha typu.
U adroźnieńnie ad padobnaha pa zadumcy virusa Stuxnet, jaki fizična vyvodziŭ sa stroju abstalavańnie, Fast16 byŭ raźličany na doŭhuju i nieprykmietnuju pracu ŭnutry varožaj sietki.
Miechanika pracy virusa była dastatkova vytančanaj dla svajho času: jon raspaŭsiudžvaŭsia praź sietkavyja resursy Windows, zamacoŭvaŭsia na ŭzroŭni jadra i adsočvaŭ zapusk kankretnych navukovych i inžyniernych prahram.
Kali virus znachodziŭ patrebnaje prahramnaje zabieśpiačeńnie, jon umiešvaŭsia niepasredna ŭ praces vyličeńniaŭ, padmianiajučy vyniki na ŭzroŭni pamiaci.
Pry hetym havorka idzie nie pra hrubyja pamyłki, a pra minimalnyja adchileńni, jakija nazapašvajucca i pryvodziać da niapravilnych vysnoŭ, paskoranaha znosu sistem abo zbojaŭ u składanych miechanizmach.
Ubudavany miechanizm samaraspaŭsiudžvańnia moh zaražać adrazu niekalki mašyn u adnoj łabaratoryi abo ahulnaj sietcy, tamu sproba pierapravieryć raźliki na inšym kampjutary tolki paćviardžała ŭžo skažonyja danyja.
Piać dzion, 60 udzielnikaŭ, saŭna, biljard i kryki adzin na adnaho. Raskazvajem, jak prajšła zakrytaja «hulnia Mackieviča»42
Kamientary