Tramp paraiŭ Miercu zaniacca Ukrainaj i Hiermanijaj, a Starmieru — brać prykład z Karła III
Prezident ZŠA Donald Tramp čarhovy raz raskrytykavaŭ kanclera Hiermanii Frydrycha Mierca z-za jahonyja skieptyčnyja vykazvańni adnosna amierykanskaj palitycy adnosna Irana i paraiŭ tamu nadavać bolš uvahi vajnie va Ukrainie i situacyi va ŭłasnaj krainie. Pra heta jon napisaŭ u svajoj sacsietcy Truth Social. Dastałosia i brytanskamu premjeru Kiru Starmieru.
«Kancler Hiermanii musiŭ by nadavać bolš času spynieńniu vajny pamiž Rasijaj i Ukrainaj (dzie jon akazaŭsia absalutna nieefiektyŭnym!) i naviadzieńniu paradku ŭ svajoj raschistanaj krainie, asabliva ŭ pytańniach imihracyi i enierhietyki, a nie ŭmiešvacca ŭ spravy tych, chto zmahajecca ź jadziernaj pahrozaj z boku Irana, robiačy tym samym śviet, u tym liku i Hiermaniju, bolš biaśpiečnym miescam!» — napisaŭ Tramp.
Pierad tym u intervju vydańniu Sky News prezident ZŠA choć i bolš miakka, ale raskrytykavaŭ i premjer-ministra Vialikabrytanii Kira Starmiera, ź jakim paśla pačatku vajny ŭ Iranie ŭ jaho adnosiny taksama papsavalisia.
Tramp zajaviŭ, što Starmier jamu padabajecca, ale jon ličyć, što premjer Vialikabrytanii «dapuściŭ trahičnuju pamyłku ŭ pytańni imihracyi i trahičnuju pamyłku ŭ pytańni enierhietyki».
Pry hetym jon nie viedaje, ci dapamoža palepšyć adnosiny sa Starmieram dziaržaŭny vizit u ZŠA karala Vialikabrytanii Karła III. Ale Tramp ličyć, što Starmieru dakładna varta navučycca dziejničać tak, jak dziejničaje karol Brytanii.
«Vaš premjer-ministr pavinien navučycca dziejničać tak, jak dziejničaje jon, i tady ŭ jaho ŭsio atrymajecca značna lepš», — zajaviŭ amierykanski prezident.
Dadatkova jon pachvaliŭ pramovu brytanskaha karala pierad Kanhresam ZŠA.
«Ja liču, što jon byŭ fantastyčnym. Heta była bliskučaja pramova. Jana była pramoŭlena vydatna, z tym cudoŭnym akcentam, jaki ŭ jaho jość. Ja liču, što heta było fantastyčna z usich bakoŭ», — dadaŭ prezident ZŠA.
Karł III sustrakaŭsia ŭ Biełym domie z prezidentami ZŠA try razy. Jak za 56 hadoŭ pamianiaŭsia Avalny kabiniet?
Tramp pryhraziŭ vyvieści častku vojskaŭ z Hiermanii paśla krytyki Miercam vajny ŭ Iranie
Tramp raskazaŭ pra «vielmi dobruju» razmovu z Pucinym i nazvaŭ siabie inicyjataram pieramirja
Tramp pierabłytaŭ Ukrainu i Iran, dy tak, što ŭsich skałanuła
Karł III patroliŭ Trampa padčas uračystaj viačery ŭ Biełym domie
Ciapier čytajuć
«Viedajecie, Łukašenka nie prezident». Jany tak uśmichnulisia, kiŭnuli». Departavany z Hruzii Leŭ Michiejeŭ raskazaŭ, jak ź im abychodzilisia ŭ Armienii33
Kamientary
Jeśli i pośle ETOHO kanclera "staryje" niemcy nie prohołosujut za AdH i nie prohoniat všieju vsiu etu navołoċ - značit, prohołosujut užie za sojuz zielenych i partii Mirnyj Džichad. I Chalifat nastaniet nie čieriez 30 let, kak ja rassčityvał, a čieriez 5.