«Buślik» adlacieŭ: usie kramy kaliści najbujniejšaj sietki zakrylisia
U minułym hodzie zakrylisia 18 kram sietki dziciačych tavaraŭ «Buślik», u 2024-m jašče pracavali kala 20 handlovych punktaŭ. Ale ciapier jany ŭsie, jak vynikaje z handlovaha rejestra, zakrytyja, piša Sputnik.
Internet-krama «Buślika» taksama niedastupnaja: pry sprobie ŭvachodu źjaŭlajecca płaška ab techničnych rabotach.
Sietka «Buślik» była zasnavanaja biełaruskim biznesmienam Siarhiejem Misiačenkam, pastupova jana stała najbujniejšaj u Biełarusi ŭ siehmiencie dziciačych tavaraŭ. Ale ŭ 2023 hodzie ŭ sietcy pačalisia prablemy, jaje vyručka padała ciaham usiaho hoda.
U I kvartale apieratar sietki, kampanija «DPM», źmienšyŭ vyručku da anałahičnaha pieryjadu 2022-ha na 13,6%, u II kvartale — na 12%. A za III kvartał vyručka sietki ŭ afłajnie źniziłasia na 27,5%, a ŭ anłajnie — na 64%.
U kastryčniku polski inviestar sietki, kampanija CDRL, paviedamiŭ pra «stratu kantrolu» nad daččynaj kampanijaj u Biełarusi i pahrozu jaje bankructva. U CDRL taksama zajavili pra śpisańnie praterminavanaj debitorskaj zapazyčanaści sietki ŭ pamiery 1,7 młn złotych (bolš za 400 tys. dalaraŭ) i prypynieńni dalejšych pastavak tavaraŭ u Biełaruś.
U dziaržrejestry pakul niama infarmacyi pra pačatak likvidacyi abo pracedury bankructva jurydyčnaj asoby. Miesca «Buślika» na biełaruskim rynku zaniała sietka «Dzietmir» — «dačka» rasijskaha «Dietskoho mira».
«Łukašenka mnie skazaŭ: «Chočaš — možaš adkazać nam, udaryć pa Mazyry, pa zavodzie» — Zialenski32
«Łukašenka mnie skazaŭ: «Chočaš — možaš adkazać nam, udaryć pa Mazyry, pa zavodzie» — Zialenski
Zialenski: Ja nie budu kazać, jakim sposabam, ale našyja ludzi zajmalisia tym, kab try-čatyry retranślatary ŭžo nie pracavali na terytoryi Biełarusi11
Zialenski: Ja nie budu kazać, jakim sposabam, ale našyja ludzi zajmalisia tym, kab try-čatyry retranślatary ŭžo nie pracavali na terytoryi Biełarusi1
«Mama, davaj napišam zajavu ŭ milicyju, jon mianie ŭžo dastaŭ». Maci školnika z Bresta, jaki skončyŭ žyćcio samahubstvam, raskazała pra ckavańnie syna2626
Kamientary
Rasiejski biznes zžyraje biełaruski.