«I zaharelisia ŭsie čyrvonyja lampački, jakija tolki jość». Pačobut raspavioŭ, jak jaho praviarali na miažy pry ŭjeździe ŭ Biełaruś
Eks-palitviazień raskazaŭ pra cikavy vypadak pry ŭjeździe ŭ Biełaruś tydzień tamu. Andžej Pačobut padzialiŭsia historyjaj z YouTube-prajektam Kanał Zero.
«Ja addaŭ im pašpart dla kantrolu. Kali jon [pamiežnik] uvioŭ danyja ŭ bazu, u ich tam zaharelisia ŭsie čyrvonyja lampački, jakija ŭ ich tolki jość. Za chvilinu padyšoŭ kapitan pamiežnaj słužby, jaki skazaŭ, što mnie treba prajści ź im na razmovu i abaviazkova ŭziać z saboj telefon. Ja kažu: «Tak, jon sa mnoj, tolki jość adna prablema — jon zabłakavany, a ja jaho razbłakoŭvać nie ŭmieju».
Nu voś, my pryjšli, i tam było pieršaje pytańnie: kali ja pajedu nazad? Ja kažu, što heta dziŭnaje pytańnie, tamu što ja tolki zajazdžaju i naahuł to ja pryjechaŭ nazusim. Nu, potym zazvaniŭ telefon — mabilnik adnaho z hetych «pachmurnych tavaryšaŭ». Jon vyjšaŭ, praź niejki čas viarnuŭsia, potym znoŭ vyjšaŭ, potym znoŭ.
Potym pryjšli troje: dvoje ŭ formie pamiežnaj słužby, a adzin u cyvilnym:
«Ja tak razumieju, što jakraz jon i pradstaŭlaŭ niejkuju śpiecsłužbu, ale jakuju mienavita nie viedaju. Mahčyma, heta byŭ KDB. Miarkuju, što KDB, ale dakładna nie viedaju. I razmova sa mnoj u ich asabliva nie kleiłasia».
Pavodle jaho słoŭ, razmova ŭ asobnym pakoi doŭžyłasia kala dziesiaci chvilin, potym mnie skazali, što mahu jechać.
Andžej Pačobut 8 vieraśnia pryjechaŭ u Hrodna z Polščy, dzie žyŭ ad kanca krasavika paśla vyzvaleńnia z kałonii. U Biełarusi žurnalist sustreŭsia ź biełaruskimi palakami, naviedvaŭ pamiatnyja dla polskaj i supolnaj biełaruska-polskaj historyi miaściny. 15 vieraśnia jon viarnuŭsia ŭ Polšču.
Ciapier čytajuć
Rasijanie sapraŭdy stali čaściej kuplać nieruchomaść u Biełarusi? Voś što raskazvajuć ryełtary18
Rasijanie sapraŭdy stali čaściej kuplać nieruchomaść u Biełarusi? Voś što raskazvajuć ryełtary
Basist «Piatli», jaho 18‑hadovy syn i zorka «Raźbitaha serca pacana» — raskazvajem pra biełaruskamoŭny hurt Prypiać, jaki prezientavaŭ aŭtarskuju «Kałychanku»1111
Basist «Piatli», jaho 18‑hadovy syn i zorka «Raźbitaha serca pacana» — raskazvajem pra biełaruskamoŭny hurt Prypiać, jaki prezientavaŭ aŭtarskuju «Kałychanku»11
Niebaraka ź Lachavičaŭ źnik «na SVA» ŭžo na treci dzień, a ŭ baraćbie za hrabavyja sčapilisia siastra, sužycielka i žonka — z čatyrma dziećmi, ale čužymi88
Kamientary
Nie kožnamu tak šancuje.
A tak možna było? Inšych prosta źbivajuć, pakul nie ŭspomniać, jak razbłakavać.