U kvatery prapisanyja dvoje niepaŭnaletnich dziaciej.
Vieranika Capkała, žonka eks-pretendenta na pasadu prezidenta i byłoha kiraŭnika PVT Valeryja Capkały, napisała zvarot u prakuraturu z nahody prodažu ich kvatery. Akramia taho, Capkała źviarnułasia da pakupnikoŭ, jakija nabyli kvateru na arhanizavanym dziaržavaj aŭkcyjonie za amal 400 tysiač rubloŭ.
«Ja ŭ čarhovy raz źviartajusia da tych hramadzian, jakija «sarvali chalavu» i ŭsio ž nabyli našu kvateru pa značna zanižanym košcie! Vy vydatna viedajecie, u čyjoj ułasnaści znachodzicca hetaja majomaść i što ŭ joj žyvuć dvoje niepaŭnaletnich dziaciej.
Vy i vaša siamja pavinny dakładna razumieć, što pa viartańni ŭ Biełaruś my pryjdziem da vas, z prostymi biełarusami, presaj, usimi tymi, chto nie padtrymlivaje skupščykaŭ kradzienaha, i vy abaviazanyja budziecie vysielicca z našaj kvatery i apłacić arendnuju płatu za ŭvieś termin pražyvańnia!» — napisała Capkała.
U liście na imia hienprakurora Andreja Švieda jana zapatrabavała vykazać aficyjnuju pazicyju z nahody niezakonnaha prodažu kvatery, u jakoj prapisanyja niepaŭnaletnija dzieci Vieraniki i Valeryja.
Trochpakajovuju kvateru Capkałaŭ na vulicy Čarnyšeŭskaha vystaŭlali na aŭkcyjon dva razy. U lutym achvotnych jaje kupić nie znajšłosia, a dla paŭtornaha aŭkcyjonu pačatkovaja cana ŭ 358 442,2 rubla była źnižanaja na 71 tysiaču. U vyniku kvateru pradali za amal 400 tysiač rubloŭ — daražej za tuju sumu, jakaja raniej nibyta adpudžvała.
Kvateru Capkałaŭ kupili za amal 400 tysiač rubloŭ
Na kvateru Capkałaŭ u Biełarusi z druhoj sproby znajšlisia pakupniki
U historyi ź nieruchomaściu siamji Capkałaŭ źjaviŭsia novy siužet
Kvateru Capkałaŭ znoŭ vystavili na tarhi, istotna skinuŭšy canu
U historyi ź nieruchomaściu siamji Capkałaŭ źjaviŭsia novy siužet
Ciapier čytajuć
Na liniejku ŭ «Minsk-Śviecie» pryjšło stolki ludziej, što baćki stajali za płotam. Ale ludzi aburany, što nie ŭsie kłasy paklikali10
Na liniejku ŭ «Minsk-Śviecie» pryjšło stolki ludziej, što baćki stajali za płotam. Ale ludzi aburany, što nie ŭsie kłasy paklikali
Źnikły Anatol Kotaŭ byŭ partnioram samaha vysokapastaŭlenaha biełaruskaha raźviedčyka, jaki pierajechaŭ u Polšču. Tut moža być kluč da razhadki jaho źniknieńnia7777
Źnikły Anatol Kotaŭ byŭ partnioram samaha vysokapastaŭlenaha biełaruskaha raźviedčyka, jaki pierajechaŭ u Polšču. Tut moža być kluč da razhadki jaho źniknieńnia77
Biełaruski psichijatr: Palihraf z 100 chłusaŭ nie vyjavić dvuch. A siemiarych tych, chto kaža praŭdu, abvinavacić u chłuśni — i heta pa aptymistyčnych acenkach1515
Kamientary