Kvateru Capkałaŭ znoŭ vystavili na tarhi, istotna skinuŭšy canu
Kvateru pradajuć z ubudavanymi šafami, kandycyjanieram, kuchonnym harnituram, vyciažkaj, varačnaj panellu.
Praz elektronny aŭkcyjon «Bielurzabieśpiačeńnie» paŭtorna vystavili na prodaž nieruchomaść Valeryja Capkały — trochpakajovuju kvateru z mašyna-miescam u Minsku, piša «Lusterka».
Trojka, pa jakoj daŭžnikom ličycca Capkała Valeryj Viljamovič, znachodzicca ŭ domie №5 na vulicy Čarnyšeŭskaha. Ahulnaja płošča žylla — 103,7 m2. U kvatery zarehistravany adzin čałaviek.
Kvateru pradajuć z ubudavanymi šafami, kandycyjanieram, kuchonnym harnituram, vyciažkaj, varačnaj panellu.
Pačatkovuju canu majomaści źnizili da 286 753 rubloŭ 76 kapiejek, heta na bolš čym 71 000 rubloŭ nižej za pieršapačatkovy košt. Aŭkcyjon pryznačyli na 9 krasavika.
Pieršy raz trochpakajovuju kvateru vystaŭlali na aŭkcyjon 12 lutaha. Pačatkovy košt majomaści składaŭ 358 442 rubli 20 kapiejek. Tarhi pryznačyli na 27 lutaha, ale jany nie adbylisia — nie było achvotnych jaje kupić.
Žonka Valeryja Capkała, Vieranika, adznačała raniej, što nieruchomaść naležyć nie tolki jaje mužu, ale taksama joj i niepaŭnaletnim dzieciam muža i žonki. Na jaje dumku, rašeńniem vystavić na tarhi nieruchomaść parušajecca ŭ tym liku Kanstytucyja. Žančyna zaklikała Śledčy kamitet i prakuraturu pravieści rasśledavańnie praz prodaž nieruchomaści.
U Minsku Valeryja Capkału zavočna prysudzili da 17 hadoŭ kałonii ŭzmocnienaha režymu.
U Poznani hiniekołah vydaliŭ 24‑hadovaj biełaruscy matku i jaječniki bieź jaje zhody. Jamu pahražaje da 20 hadoŭ turmy12
Kamientary