«Na asfalcie zamyvali kroŭ». Ale ŭ ŽKH havorać, što ŭsio narmalna
U Vaŭkavysku siarod biełaha dnia kamunalniki stralali sabak, i ŭsio heta adbyvałasia na vačach u minakoŭ.
Incydent adbyŭsia dniom 7 krasavika ŭ adnym z dvaroŭ u Vaŭkavysku. Da doma padjechała mašyna, ź jaje vyjšli mužčyny ŭ śpiecvopratcy i pačali stralać u sabak, jakija hulali ŭ dvary. Pryčym siarod ich byŭ sabaka sa šlejkaj, jaki adbiŭsia ad haspadara.
Sa słoŭ vidavočcaŭ, u sabak stralali drocikami. Na asfalcie zastalisia plamy kryvi. Adzin z sabak vyratavaŭsia, zabiehšy ŭ padjezd. Vałanciory advieźli jaho da vieterynara. Jašče adzin sabaka ŭciok u inšy dvor, dzie žyvuć jahonyja haspadary, paviedamlaje «Błoh Hrodna s13».
Vidavočcy adznačajuć, što stralali ŭ sabak na vačach u minakoŭ, siarod jakich byli i dzieci. Kamunalniki adrazu pačali zamyvać kroŭ na asfalcie. Žychary dvara vyklikali milicyju.
U Vaŭkavyskaj kamunalnaj haspadarcy śćviardžajuć, što heta zvyčajnaja situacyja, nijakaha incydentu nie było.
«Naša słužba robić adłoŭ. Ja zhodny z tym, što nie kožnaha zadavalniaje taja situacyja, što žyvioł nieabchodna adłoŭlivać, bo kožny maje svoj punkt hledžańnia», — zajaviŭ majstar učastka Siarhiej Boluch.
Pavodle jaho słoŭ, u dvor kamunalniki vyjechali pa sihnale miascovych žycharoŭ. Tyja paskardzilisia, što pa vulicy biehajuć «bieznahladnyja» sabaki. Boluch śćviardžaje, što bryhada pravodziła adłoŭ pa ŭsich praviłach i spačatku pierakanałasia, što pablizu niama ludziej.
Zrešty, heta mierkavańnie nie paćviardžajecca zapisami z kamiery nazirańnia: prynamsi adzin streł byŭ zrobleny prosta na vačach u minakoŭ.
33-hadovy Daniła Harkavy, jaki niečakana pakinuŭ Ofis Cichanoŭskaj, raskazaŭ pra svaju ankałohiju i siem apieracyj4
33-hadovy Daniła Harkavy, jaki niečakana pakinuŭ Ofis Cichanoŭskaj, raskazaŭ pra svaju ankałohiju i siem apieracyj
«Minimalny zarobak doktara ŭ Polščy bolšy, čym ja mieła ŭ biełaruskim pryvatnym centry». Doktarka Markiełava — pra pracu ŭ polskaj balnicy i vyrab naturalnaj kaśmietyki1313
Kamientary