Pra vizit u kałoniju ŭkrainskaha dypłamata paviedamili svajaki palityčnych źniavolenych, jakich trymajuć u kałonii № 4, piša «Svaboda».
Pavodle ich źviestak, dypłamata z Ukrainy bačyli ŭ kałonii ŭ krasaviku, jon naviedaŭ źniavolenych i paznajomiŭsia z umovami, u jakich trymajuć asudžanych žančyn, hramadzianak Ukrainy.
Hetyja źviestki paćvierdziŭ «Svabodzie» ambasadar u asablivych daručeńniach Ministerstva zamiežnych spraŭ Ukrainy pa Biełarusi Ihar Kizim.
«Naš konsuł ź Minska pryjazdžaŭ u tuju kałoniju dla sustrečy z asudžanymi hramadziankami Ukrainy. Takaja praktyka isnavała i raniej», — paviedamiŭ ambasadar.
Pavodle Ihara Kizima, «konsułu na adpaviedny zapyt biełaruskija ŭłady dajuć (choć i nie zaŭždy) dazvoł na takija naviedvańni».
Pavodle byłoj palitźniavolenaj Volhi Kłaskoŭskaj, jakaja vyzvaliłasia z kałonii № 4 u kancy 2022 hoda, tam u časy jaje źniavoleńnia było ad 1500 da 1700 žančyn. «Ź ich pryblizna 150 adbyvali pakarańnie z palityčnych pryčyn», — miarkuje Volha Kłaskoŭskaja.
Pavodle pravaabaroncaŭ «Viasny» pa stanie na 15 krasavika ŭ homielskaj žanočaj kałonii ŭtrymlivajuć 120 žančyn, pryznanych palitviaźniami. Siarod ich aktyvistka štabu Viktara Babaryki Maryja Kaleśnikava, pravaabaronca «Viasny» Marfa Rabkova, žurnalistka «Biełsatu» Kaciaryna Andrejeva, palitołah Valeryja Kaściuhova, aktyvistka AHP Volha Majorava dy inšyja.
Što ciapier ź italjanskimi vizami? Masavyja admovy? Turfirmy nazyvajuć alternatyvu5
Što ciapier ź italjanskimi vizami? Masavyja admovy? Turfirmy nazyvajuć alternatyvu
«Kali b ja byŭ śledčym KDB, ja b padkreśliŭ toje samaje». Fiaduta — pra schavanyja sensy «Kałasoŭ pad siarpom tvaim», uvahu siłavikoŭ da svajho rukapisu i zahadku z treciaj častkaj ramana Karatkieviča1212
Kamientary