«Ciapier zrazumieła, u kaho ŭnučka». Prapahanda pakazała dzieda pieršaj biełaruskaj kasmanaŭtki Maryny Vasileŭskaj
Vydańnie «Minsk-Naviny» zrabiła repartaž pra dzieda Maryny Vasileŭskaj — Fiodara Vasileŭskaha. Akazałasia, «najlepšy ślesar usich časoŭ» Minskaha choładakambinata № 2.
Fiodar Vasileŭski prapracavaŭ na Minskim choładakambinacie № 2 z 1961 pa 2003 hod.
Dyrektar Minskaha choładakambinata № 2 Dźmitryj Bonachaŭ padčas repartažu sustreŭ Fiodara Vasileŭskaha z kvietkami i «dziejnym propuskam».
«Sustreča vyhladała ciopła i kranalna — vieteran pracy byŭ i zastaŭsia čalcom fabryčnaj «siamji», — pišuć prapahandysty.
— Fiodar Sidaravič prapracavaŭ ślesaram i naładčykam abstalavańnia 6-ha razradu na fabrycy marožanaha cełych 42 hady. Nie kožny zmoža pratrymacca stolki času. My padrychtavali dla jaho šmat padarunkaŭ, — raspavioŭ dyrektar.
Padarunkaŭ šmat: i hrašovy siertyfikat u pamiery 3 000 rubloŭ — na pucioŭku ŭ sanatoryj, i partret lubimaj unučki, i tort z kaśmičnym karablom «Sajuz MS-25».
«I ŭsio ž ciopłyja słovy ad byłych kaleh i siabroŭ daražejšyja za materyjalnyja kaštoŭnaści», — pišuć «Minsk-Naviny».
— Pracavali ŭ adnoj bryhadzie, u adnym cechu. Fiedzia zaŭsiody byŭ taki viasioły, na bajanie hraŭ. Naš najlepšy ślesar za ŭvieś čas pracy, z załatymi rukami. Žadaju zdaroŭja ŭsioj siamji Vasileŭskich. Dziakuj jamu vialiki za takuju cudoŭnuju ŭnučku, — padzialiłasia Hanna Borykava, rabotnica vafielna-kandytarskaha cecha.
— Ja pracuju tut z 1985 hoda. Naša fabryka vykarystoŭvaje vafielnyja vyraby: listy, kubački, u vyrabie jakich vyznačana jość i častka vašaj pracy, — źviarnułasia da Fiodara Vasileŭskaha načalnica fabryki marožanaha Śviatłana Kazakievič.
— A kali vy prykłali svaje starańni, to pradukcyja abiacaje być biezdakornaj i smačnaj, — dadała jana.
U vytvorčym cechu Fiodara Sidaraviča pačastavali marožanym z novymi smakami i spytali, ci mocna źmianiŭsia smak praz stolki času. Ale novych smakaŭ Fiodar Sidaravič nie adčuŭ.
«Vieteran pracy ŭpeŭnieny: smak zastaŭsia raniejšym. Taksama jon zadavoleny źmienaj technałahičnaha abstalavańnia i pavieličeńniem abarotaŭ vytvorčaści», — pišuć karespandenty.
U čas razmovy Vasileŭski raskazaŭ samaje važnaje: fabryku časta naviedvali jaho ŭnuki Maryna i Alaksandr. «Vielmi ž im byŭ pa dušy łasunak z «čaroŭnaha chaładzilnika». Maroziva pieršaja biełaruskaja žančyna-kasmanaŭt lubić da hetaha času, asabliva «Kaštan», — dadajuć rekłamy «Minsk-Naviny».
«Ciapier zrazumieła, u kaho ŭnučka», — nazvali repartaž prapahandysty.
Botaŭ adpravili adbielvać Vasileŭskuju, stała viadomaja mietadyčka
Pytańnie, ci źjaŭlajecca Maryna Vasileŭskaja prafiesijnaj kasmanaŭtkaj, prajaśniŭ «Raskosmas»
Stała viadoma, dzie ŭsio ž vučyłasia kasmanaŭtka Maryna Vasileŭskaja
Sudzimaść baćki, dzivosy z adukacyjaj, prahały ŭ bijahrafii — tajamnicy žyćcia pieršaj biełaruskaj kasmanaŭtki
Kamientary