U baraćbie z voraham ukraincy efiektyŭna vykarystoŭvajuć zbroju časoŭ Staražytnaha Rymu
Što za jana?
Jak paviedamlajuć sami rasijskija krynicy, ich vojski sutyknulisia z novaj pahrozaj. Heta kaltropa (zbroja maje i inšyja nazvy — časnok, trybała, karakuli) — mietaličnaja pieraškoda, jakaja čaściej za ŭsio składajecca z čatyroch zavostranych stalovych šypoŭ, pryvaranych tak, kab jany byli nakiravany ŭ roznyja baki. U najbolš raspaŭsiudžanym typie hetaha barjera kancy z čatyroch šypoŭ adpaviadajuć viaršyniam pravilnaha tetraedra.
Kali kinuć «časnok» na ziamlu, to adzin šyp zaŭsiody budzie nakiravany ŭvierch, a astatnija buduć jaho padtrymlivać. Šypy mohuć zakančvacca zubcami, jak rybałoŭnyja kručkami.
Hetuju zbroju vykarystoŭvali jašče ŭ Staražytnym Rymie. Nazva «kaltrop» pachodzić ad łacinskaha słova «łaviec piatak». Pieršaje viadomaje paviedamleńnie pra ich adnosicca da 313 hoda da našaj ery. Tady vojska Alaksandra Makiedonskaha vykarystała ich suprać piersidskaj kavaleryi.
Barjer ź vialikaj kolkaści raskidanych «časnakoŭ» byŭ efiektyŭny taksama suprać piachoty, bajavych słanoŭ i viarbludaŭ. Hetuju zbroju šyroka vykarystoŭvali da 18 stahodździa.
Jak piša Forbes, u hady Druhoj suśvietnaj vajny amierykanskija śpiecsłužby O.S.S. pačali masavuju vytvorčaść kaltropaŭ i raspaŭsiudžvańnie ich siarod atradaŭ Supraciŭleńnia ŭ Jeŭropie. Jany akazalisia bolš zručnymi i nadziejnymi, čym vybuchoŭka. Kaltropy rassypali na darohach dla zatrymki niamieckaha transpartu abo dla padrychtoŭki da zasady.
Roznyja madyfikacyi, u tym liku impravizavanyja, vykarystoŭvalisia ŭ roznych uzbrojenych kanfliktach. Naprykład, padčas vajny ŭ Vjetnamie amierykancy byli vymušany vykarystoŭvać čaraviki sa stalovymi płaścinami ŭ padešvach dla abarony ad kaltropaŭ, jakija rassypaŭ praciŭnik.
Ukraincy ciapier stali vykarystoŭvać ich suprać aŭtamabilaŭ. Novaja viersija staroj zbroi raskidvajecca na pryfrantavych darohach ź bieśpiłotnikaŭ.
Nothing new under the sun, huh?
Here's what ancient Roman weapon AFU has adopted. pic.twitter.com/lJpw3vBt1V
Jak piša Forbes, takoje hienijalnaje novaje prymianieńnie vielmi staroj zbroi stvaraje prablemy dla i biez taho pieranapružanaha łancužku pastavak Rasii na apošnich kiłamietrach da frontu, prabivajučy šyny aŭtatranspartu.
Ciapier kiroŭcy vymušany sačyć nie tolki za pavietranaj prastoraj, ale i za darožnymi pieraškodami, bo furhony typu UAZ-452 «Buchanka» paśla spynieńnia stanoviacca ŭsio bolš uraźlivymi praz ataki bieśpiłotnikaŭ.
Učastki, zasypanyja šypami, jak piša adzin z rasijskich vajennych (cytatu pryvodzić ukrainski telehram-kanał «Butusaŭ plus») «ź mierkavańniaŭ biaśpieki davodzicca litaralna «pralatać», i našyja mašyny … jeduć na maksimalna mahčymaj chutkaści. A ŭjavicie, što budzie z aŭtamabilem, kali ŭ jaho šypami adrazu prabivajuć dva (ci bolš) koły… I ŭ hetych miescach varožyja drony i čakajuć svaju «zdabyču» — mašyna spyniłasia, adrazu źjaŭlajecca varožaja «ptušačka» i skidvaje miny».
Jak adznačaje vydańnie, taktyka skidvańnia kaltropaŭ ź bieśpiłotnikaŭ, biezumoŭna, natchnić na stvareńnie mnostva novych mietadaŭ baraćby.
«Pra jaki sajuz možna havaryć?» Łukašenka ŭ Astanie raskrytykavaŭ Rasiju za naviazvańnie utylzboraŭ15
Kamientary