U Rasii stvaryli hulniu pra Pryhožyna. «Kožnyja niekalki siekundaŭ treba zabivać ukraincaŭ»
Novy prapahandyscki prajekt užo prarekłamavali ŭ šou Uładzimira Sałaŭjova.
Rasijskaja studyja NoName Company pradstaviła novy «patryjatyčny šuter» pra PVK «Vahnier», dzie, hulajučy za adnaho z najmitaŭ, «treba šturmavać ukrainski horad Papasnaja» i prymać zahady asabista ad Jaŭhiena Pryhožyna, užo zahinułaha kiraŭnika «Vahniera», zaŭvažyła vydańnie Bild.
Hulnia atrymała nazvu «Najlepšyja ŭ piekle» (cytata Pryhožyna pra svaich najmitaŭ — «NN»), i ŭ joj hulcam «treba budzie adsočvać i kožnyja niekalki siekundaŭ zabivać ukrainskich nacystaŭ u razburanych budynkach, balnicach i škołach padčas šturmu Papasnaj viasnoj 2022 hoda», — pieradaje Bild sa spasyłkaj na trejler hulni i zajavy jaje aŭtaraŭ.
U trejlery siarod inšaha pakazana, jak budzie vyhladać hulnia ad pieršaj asoby i jak vahnieraŭcy pakłaniajucca ikonie Mikałaja Cudatvorca. Prajekt užo prarekłamavali ŭ šou rasijskaha prapahandysta Uładzimira Sałaŭjova.
«Naš patryjatyčny hiejm-prajekt stvorany bieź dziaržaŭnaj padtrymki i zasnavany na histaryčnych padziejach sučasnaj Rasii. Pry stvareńni hulni my abapiralisia na historyi ŭdzielnikaŭ bajavych dziejańniaŭ i zrabili ŭpor na dramaturhiju», — śćviardžajuć aŭtary hulni.
Ci płanujecca dadać u hulniu jašče i miaciež Pryhožyna, jaki taksama poŭny dramaturhii i zasnavany na histaryčnych padziejach sučasnaj Rasii, aŭtary nie zhadali.
Ciapier čytajuć
«Spasibo, Lena! Prodołžajtie viesti nabludienije». Aficer, jaki pisaŭ Charysavaj, paśviŭsia ŭ čatach palitemihracyi, a niekatorym dziaŭčatam navat prapanoŭvaŭ abmianiacca niudsami82
«Spasibo, Lena! Prodołžajtie viesti nabludienije». Aficer, jaki pisaŭ Charysavaj, paśviŭsia ŭ čatach palitemihracyi, a niekatorym dziaŭčatam navat prapanoŭvaŭ abmianiacca niudsami
Nivodnaha minskaha, homielskaha, italjanskaha ci francuzskaha. Zatoje ŭ Mahilovie budujuć užo čaćviorty rasijski dvoryk, hetym razam — ź miadźviedziem1010
Kamientary