Žychar paleskaha Ivanava pajechaŭ u PVK «Vahnier», a paśla viarnuŭsia i byŭ asudžany. Zdahadajeciesia, za što?
Žychar rajcentra Ivanava ŭ Bresckaj vobłaści viarnuŭsia ŭ Biełaruś paśla «kamandziroŭki» ŭ PVK «Vahnier» i trapiŭ na łavu padsudnych. Ale sudzili mužčynu nie za najmictva, a za ŭchileńnie ad previentyŭnaha nahladu, raskazvaje «Miedyjazona».
Mužčyna naradziŭsia ŭ Danieckaj vobłaści Ukrainy, ale paśla pierajechaŭ u Biełaruś i atrymaŭ hramadzianstva. Tut jon staŭ častym hościem u turmach. Z 2001 pa 2022 hod jaho sudzili siem razoŭ — za kradziažy, pryčynieńnie ciažkich cialesnych paškodžańniaŭ i inšyja złačynstvy.
Apošni raz jon vyjšaŭ z turmy viasnoj 2023 hoda. Jamu byŭ ustalavany previentyŭny nahlad na 15 miesiacaŭ — mužčyna pavinien byŭ pastajanna adznačacca ŭ milicyi i paviedamlać pra svaje pierasoŭvańni. Pakidać miežy rajona biez dazvołu siłavikoŭ jamu było zabaroniena.
Adnak u Biełarusi mužčynu nie siadziełasia. U červieni 2023 hoda jon źjechaŭ, ale nieŭzabavie viarnuŭsia. Milicyjantam u Ivanavie jon paviedamiŭ, što «pracaŭładkoŭvaŭsia ŭ PVK «Vahnier». Akramia taho, mužčyna zajaviŭ, što pierajazdžaje ŭ ahraharadok u Ivanaŭskim rajonie. Tady mužčynu nie zatrymali. Jon paprasiŭ u maci kupić jamu kvitok da Homiela i paviedamiŭ, što jedzie ŭ Rasiju.
U žniŭni jon na karotki čas viarnuŭsia i raskazaŭ, što ŭstupiŭ u PVK «Vahnier», paśla čaho znoŭ źjechaŭ z krainy. Ale nienadoŭha: u vieraśni mužčyna ŭ čarhovy raz viarnuŭsia i byŭ zatrymany.
Na sudzie svajoj viny «vahnieraviec» nie pryznaŭ. Jon zajaviŭ, što źjechaŭ z metaj udziełu ŭ vajnie, a nie dla taho, kab uchilicca ad nahladu.
Sud pryznačyŭ mužčynu hod kałonii strohaha režymu i prymusovaje lačeńnie ad ałkahalizmu.
Ciapier čytajuć
Aryštavany sienatar Karpicki, hałoŭny doktar Bresckaj abłasnoj balnicy4
Kamientary
i połučił hraždanstvo. Zdieś on stał častym hostiem v tiuŕmach. S 2001 po
2022 hod jeho sudili sieḿ raz — za kraži, pričinienije tiažkich tielesnych
povrieždienij i druhije priestuplenija. Poślednij raz on vyšieł iz tiuŕmy
viesnoj 2023 hoda.